■布志綸（右）接受主播許文軒專訪。香港文匯報訊 唱作藝人布志綸（Alan）日前作客TVB娛樂新聞台節目《StarTalk》，接受主播許文軒（Edmond）專訪，大談推出新歌《喘一口氣》感受。Alan說：「MR.有MR.嘅聲音，既然自己個人作品就梗係試下唔同嘅聲音，我2017年開始出個人單曲，六首歌都唔同監製同埋音樂人合作，好明顯有六把聲，我初初都唔習慣，好似《喘一口氣》就唱得好輕，以前MR.係一種情緒，就算情歌都唱得比較大力，所以今次新歌越唱得輕越難唱。」
談到歌曲遠赴布拉格拍攝MV時，他說：「我之前去過，首歌真係諗住布拉格而寫，因為當地啲古城好古舊，令你好似去咗16世紀嘅歐洲城市咁，希望大家聽呢首歌時都可以幻想跳出香港嘅感覺。另外我有幫公司計Budget，其實布拉格唔太貴，食飯同的士都平過香港，不過就好凍，個跳舞場口拍咗好多Take，但最後用咗第一Take，因為後面嗰啲我塊面凍到僵硬咗，好呆滯！」
已為人父的Alan表示很享受和兒子獨處時間，他說：「我哋兩個有時會去踩單車，咁等佢媽咪有啲私人空間。」