「精人出口，笨人出手！」呢兩句攞嚟形容煽暴派同暴徒嘅關係真係夠晒貼切。話說公民黨黨魁戇橋（楊岳橋）見立法會選舉臨近，就加緊去「抗爭」現場做騷箍票，但當警方開始驅散行動時，戇橋就第一時間閃人，見到前線「手足」被胡椒噴霧射中都唔理，激到一班「同路人」喺現場破口大鬧，直斥戇橋係「冇事嗌口號，有事影都冇」嘅垃圾，所有有腦嘅「黃絲」都唔應該投票畀佢。
近日疫情緩和，有「黃絲」網民趁「五一」假期喺沙田新城市廣場搞事，成功吸引逾百暴徒聚集，連做慣「冷氣軍師」嘅戇橋都嚟湊熱鬧。
喺戇橋fb嘅直播片段見到，當警方到場拉起封鎖線嗰陣，戇橋就帶頭辱罵警察，然後就愈聚愈多人，迫警方出動胡椒噴霧驅散人群，但鏡頭一轉，戇橋已經出現喺一群記者後面，離遠望住「手足」被警察驅趕。
匿FA後懶理市民
喺「人民力量」林匡正嘅直播片段入面，就見到好多「急救員」對住鏡頭投訴：「楊岳橋匿埋喺記者後面，眼白白睇住警察推我哋走喎，佢立法會議員嚟㗎喎。×佢老母！」林匡正亦喺現場鬧爆戇橋係淨係識嗌口號嘅政棍，「使×佢落嚟做騷咩！」
「Nikki Redmayne」怒氣沖沖咁質問：「Dead乜鬼嘢body，佢敢為年輕人成為deadbody咩？」「Szeyam Lee」就話：「楊岳橋正廢柴乜嘢關鍵一席，只懂維穩假『泛民』，有票都不投他嘞！」「Cheongcheong Ng」就道破：「佢借無數人的deadbody取得議席，所以佢先唔會做deadbody」通常呢啲事都有人出嚟鬧分化，今次亦唔例外。「Chan JoJo」就話：「而（??）家仲日日講over my deadbody有咩用？係講大左（咗），但係佢（楊岳橋）唔係對家，咁鬧對『黃營』有咩幫助？」
「同路人」鬧尸位素餐
原名葉鍵濠嘅電台節目主持健吾就幫忙解答：「無用嘅人，走，換人做。唔好尸位素餐。民主社會，無能者退位讓能者居之，點解我要畀人情緒勒索？」「Jason Cheung」亦認同健吾嘅講法：「條友匿埋晌（響）記者同FA（急救員）後面乜都冇做，咁就不如唔好出黎（嚟）獻世！」 ■香港文匯報記者 雨航
