■梁振英質疑反對派議員高薪厚祿，卻眾籌泵香港人水。 梁振英fb截圖立法會主席梁君彥日前諮詢外聘資深大律師意見，尋求解決反對派過去半年喺內會瘋狂拉布嘅解決辦法。惟反對派仍然唔安分，其召集人陳淑莊噚日更喺facebook發起眾籌，圖外聘其他資深大律師提供獨立法律意見，點知區區35萬律師費，全體高薪反對派夾埋都淨係畀11萬，剩低26萬（包眾籌平台手續費）就全部叫「黃絲」捐，唔怪得連全國政協副主席梁振英都感到「震驚」，「咁大件事，每名高薪厚祿的泛民議員只出5,000元，而且還要眾籌泵香港人水？」
反對派為咗同梁君彥打對台，於是想聘請熟悉議會及憲制運作嘅資深大律師，喺5月8日內會開會前索取到另一份所謂「權威」嘅獨立法律意見。陳淑莊就預計外聘大律師費用大約要35萬，但佢哋全體反對派議員會淨係集資11萬，餘下款項向「所有香港人」募捐，眾籌目標為26.4萬（包括24萬和眾籌平台收取約10%即約2.4萬手續費）。
梁振英恥笑「奀豬泛民」
雖然呢條數好快被「黃絲」填滿咗，但看到如斯情況，梁振英都不禁講句「奀豬泛民」，並質疑咁大件事，點解每名高薪厚祿嘅反對派議員只係出5,000元，仲要眾籌泵香港人水，「上次話捐薪水捐咗未？泛民的食相太難看了。」
反對派各政黨嘅食相，難睇到泛暴派自己友都鬧爆。中文大學「獨」講師劉正主持嘅「無神論者的巴別塔」fb專頁就發帖爆粗：「×你老母，出面班??仔連買飯錢都無，你班×家剷計埋津貼個個月有廿萬落袋，而（𠵱）家廿幾個飯民拎35萬出黎（嚟）打官司，每人跌萬幾都唔×捨得要市民夾錢比（畀）你，然後你同我講呢班政棍為咗公義先做議員？收皮啦！」
網民鬧正價請自己人
唔少「黃絲」亦都嬲嬲豬，瘋狂批評反對派。「Anson Wang」質問佢哋點解要香港人眾籌，「投票俾（畀）你地（哋）去議會做野（嘢），點解而（??）家倒轉要我地（哋）籌旗俾（畀）你地（哋）去做原本你地（哋）要做好嘅嘢？」「Francis Cheung」亦質問：「李柱銘、余若微（薇）、梁家傑都係泛民資深大律師，點解還要眾籌？」
「Hei Ying Fung」就道出重點：「 612 以來， 有義務醫生護士貼錢幫手，但就無一個販（泛）民肯做義務律師，販（泛）民有咁多律師，販（泛）民賣港賊就食正價請自己人打官司。」 ■香港文匯報記者 郭家好