所謂「不割席」，其實喺利益面前真係不值一哂。攬炒派中人一直唔妥教育界議員葉建源，話佢「太保守」、「唔夠強硬」，紛紛吹雞舊年612喺非法集會中嘅「爆眼」拔萃前「黃師」楊子俊參選。楊子俊日前就喺facebook發帖就是否參選教育界議席進行「小型『公眾諮詢』」，話一旦出選就會傳播「抗爭意識」。雖然民主黨同教協一直「友好」，但身為民主黨中委嘅梁翊婷就公開推薦楊子俊，擺明係要玩教協啦！
同屬攬炒派嘅教育界現任議員葉建源冇話會退，做過教師嘅北區區議員蔣旻正於早前已表明有意參選，仲承諾若當選就加入攬炒派「35+」嘅策略一同否決財政預算案咁話。加埋楊子俊，𠵱家已有三個攬炒派可能參選立法會教育界選舉。
話驚鎅票成「罪人」 似以退為進
但唔知係扮嘢定係做戲，楊子俊竟然喺坉荂u公眾諮詢」中話自己對選舉、議會和議事都「不是很感興趣」，而且議員嘅薪津對一個「可投身補習和有副業的教師來說，不特別吸引」，又話怕若參選，會「鎅」走教協嘅票，成為「罪人」，似乎係以退為進噃。
佢又話唔希望細思實際選舉嘅操作，而且蔣旻正仲未正式宣布參選，因此暫時唔會講二人「如何協調」，但佢同蔣旻正喺選舉事宜上係志同道合嘅「同伴」，又話嗰日朝早蔣先來佢studio（工作室）一齊做訪問，因此「無論我參選與否，我和他都會共同進退」喎。咦，咁咪即係兩人聯手要夾死葉建源？
網民「Train Head」就喺楊子俊嘅「公眾諮詢」下評論話，既然熱誠唔大就唔好選，「因為一當選就係四年，政治的確係泥沼，如果你熱誠不大，俾你選到，我覺得反而你會發揮唔到，反而係應該要思考教協如何改革，這點值得探討。」「Hea Man」就話：「不懷疑楊老師，但要考慮現實大局，教協一向得大部份（分）老師支持，現在參選，等於??票，客觀上益咗教聯！」
有人仲擔心楊子俊「失明」，身體唔得「衝唔到」。「Joey Leung」話：「楊SIR你一旦去選，咁你既（嘅）定位就係抗爭勇武派，預左（咗）要衝主席位，俾人抬，保安推。你身體仲康復緊，何必呢。」「Ong Steph」亦奉勸佢諗清楚：「你要宣傳理念冇問題 但唔係用呢個（攬炒派）十拿九穩嘅議席黎（嚟）玩。」不過，「Dorothy Tse」就有唔同意見：「葉建源絕對應該退出，咁多年來教協都係廢嘅！」 ■香港文匯報記者 杜思文