■ 資深婚禮統籌師及婚禮司儀譚海祥疫情持續半年，嚴重打擊婚嫁行業生計。資深婚禮統籌師及婚禮司儀譚海祥(Billy Tam)接受訪問時坦言，對上一個司儀工作已數到2月份：「本身6月時(疫情)有起色，但7月又爆第3波，大家(準新人)其實把心一橫，多數直接延到下年。」面對近乎「零婚宴」的惡劣環境，他索性轉型，4月開設YouTube頻道教人「追女仔」，現在已微有收入。問Billy還有哪些「開源」方法，他苦笑：「我都再諗唔到了。」
Billy Tam現時經營One And Only Wedding，公司同時有極速約會等業務，但兩項業務在去年至今都大受打擊。Billy說：「去年政治事件已令生意無咗兩至三成，現在(疫情)更嚴重，是只餘下兩至三成生意，即係無咗七至八成生意。」
報復性消費曇花一現
他表示，自疫情爆發後，所接觸的婚禮幾乎全部延期，有一宗更是直接取消婚宴：「新娘來自台灣，親友全部無法來港，最後對新人索性唔擺酒。」另外，他還記得5至6月時，極速約會的業務生意曾經回復到正常以上，尤其一對一配對服務的生意突然大幅上升，「可能有啲報復性消費」，但無奈7月又回復原狀。
婚嫁行業有旺季及淡季，七至八月本身屬淡季，新人一來擔心打風，二來中國人亦不喜於農曆七月結婚。目前疫情最嚴峻時刻正值行業淡季，Billy苦笑：「都唔知好彩定唔好彩。」他指，其實個別新人已不介意淡季與否，本身將年初受影響的婚宴延期至7月，但現在則直接延到明年，導致他大半年都沒有接過婚禮司儀工作，情況前所未見。
他認為今次疫情的連鎖影響較長期：「因為過咗呢段時間後會多咗班人失業，經濟差新人會變得不捨得花錢，而婚禮司儀工作本身在婚宴中並非必須外聘，許多人為省錢會直接找朋友頂上，因此相比婚紗或化妝等情況更不樂觀。」
有婚攝師轉行做地產
除Billy外，婚嫁行業其他環節亦面對相同困境。Billy說：「我認識一位過去頗受歡迎的婚紗攝影師，最近轉行做地產。亦有朋友以往拍婚紗攝影為主，副業拍攝孕婦照、嬰兒照及家庭照等，而家就副業變正職。」
公司收入大減，兼且常要在家工作，問到這段時間他如何應對，性格樂觀的Billy笑道：「既然𠵱家街都唔出得，我咪改拍YouTube，教人追女仔，用自己能力做啲可以做到嘅事。」
Billy指，今次是新嘗試，該網上頻道於4月開設，現時已有十多條片，既可以開拓知名度，同時亦能有收入，因他運用即時通訊軟件提供一對一戀愛諮詢服務，收費教網友如何追女仔或改善形象，近期已經收到幾個諮詢，雖然頻道現時訂閱仍未過百，但有收入已令他感到驚喜。「頻道唔係長時間，但都有人願意付出金錢，雖然金額不多，但要累積，慢慢嚟。」