■ 肥媽大讚謝嘉怡乖女又孝順。香港文匯報訊（記者 梁靜儀）應屆港姐冠軍謝嘉怡（Liza）前晚偕同爸爸上提名人肥媽（Maria Cordero）的社交平台直播做嘉賓，謝爸爸因外貌長得年輕而曾被誤會是謝嘉怡男友，他在節目中透露今年54歲，保養秘訣是生活簡單。
肥媽在節目中透露謝爸爸在英國是做廚，最初是做中餐，後來轉做快餐煮炸魚炸薯條。Liza表示都喜歡下廚但唔叻，兩父女又即場示範整番茄豆腐冷盤。Liza當選港姐後，謝爸爸貼身跟實愛女。問到Liza拍拖可要跟父親說？謝爸爸說：「Liza好自主，最緊要佢開心。」
肥媽知道Liza愛吃排骨，笑說要改她的花名做「排骨妹」，肥媽已有陸浩明（6號）這個契仔，笑言想收謝嘉怡做契女，讓6號多個妹。Liza在港姐決賽中笑指6號醜樣，她澄清6號不是好醜樣。肥媽搞笑說：「唔係好醜樣，但都係醜樣。」肥媽大讚Liza是難得好乖又孝順的女仔，並支持她入行做藝人，但要upgrade中文及不可以太怕醜。問到謝爸爸可贊成女兒入行？他說：「Liza細個學過戲劇，有小小天分，希望大家接受Liza。」Liza亦坦言想拍劇。
節目尾聲肥媽又代身在英國的兒子多謝Liza的爸爸，她眼濕濕地握着對方的手說：「1994年我個仔19歲，喺英國撞車受傷，係佢日日煮嘢畀我個仔，幫我個仔，多謝。」