■ 周柏豪（中）及陳詠謙（右）接受主持許文軒訪問。香港文匯報訊（記者 梁靜儀）周柏豪與陳詠謙近日應邀為《我們的音樂時代》擔任嘉賓，二人於節目中分享他們合作多年的關係，陳詠謙直指與柏豪合作好大壓力，柏豪就稱成功被陳詠謙挑戰底線，又自爆寫歌怪癖。
陳詠謙說：「我哋2011年開始合作，當時我好新，仲要幫周柏豪寫兩張唱片嘅歌詞，我就好大壓力，而佢就好多憂慮，希望幫佢喺音樂上訂立一個更鮮明嘅風格。」柏豪說：「填詞人同歌手嘅關係係要互相試探去認識對方，佢試過成功挑戰我嘅底線，好似《黑》嘅歌詞提到妓女同私生子，放喺一個咁陽光嘅男歌手身上係好大膽，但係我好鍾意。」
談到他們之間最有淚水的一件事，陳詠謙回想有段時間被人批評，柏豪會表明立場支持他，此舉惹來好多人批評，故覺得他好偉大：「因為佢冇需要幫我擋呢啲子彈，仲要冇話畀我知，係其他人同我講返先知佢做咗件咁嘅事。」
本身亦有寫歌給其他歌手的柏豪，亦有談到寫歌的習慣：「我首先要知歌手有咩要求，例如唱咩Key會舒服啲，跟住我會喺個琴上面貼咗好多唔同顏色嘅貼紙。」陳詠謙即取笑他說：「咁你每個琴鍵咪都有人名，呢啲係病態嚟喎！即係呢粒音係容祖兒，嗰粒音係陳柏宇！」柏豪笑說：「搣得走㗎！」他又說：「《到此為止》我就叫連詩雅做一啲末牷A問佢點解咁想寫一首歌，佢最後寫咗封信，呢封信係畀佢想寫畀嘅人，我睇完之後就明晒，一個禮拜我寫好咗隻歌，佢好鍾意，但冇諗過首歌之後會唔會Hit。容祖兒嘅《天窗》攞埋金曲金獎，我開心係因為自己嘅創作令到首歌成功，自己有得咗嘅感覺。」