■蘇慧恩香港文匯報訊（記者 梁靜儀）蘇慧恩昨日在觀塘為新歌《潛伏與蒙蔽》拍攝MV。她透露剛與前唱片公司和平解約，再自組公司出歌。她說：「我同舊公司簽咗六年約，之前我提出解約，大家和平分手，舊公司好好，唔使我賠錢。」
她表示用了五位數自組公司推出新歌，很多工作人員都是拍膊頭幫手，除了表哥幫手執導外，她亦首次參與MV造型創作，設計了兩個造型拍攝，一黑一白，其中一個黑色傘裙配黑色大頭紗，儼如「黑魔后」。她指新歌歌詞是其心聲：「歌詞係想講，做我哋呢行，有時為上位、討好人、唔想得罪人，會講白色大話，好似上首歌個MV造型，低胸露背好性感，其實我唔鍾意，但係又唔可以講出嚟，因為知道大家都好用心去做，我唯有話『都可以試吓嘅』、『咁好易走光喎』，但就唔會講唔鍾意，唔想傷害幫手製作嘅人。」
她自言性格很直接，不會為上位而講大話，也因此容易得罪人，並自嘲說：「所以咪唔紅囉。」她又自爆之前因直言而撞板：「之前做司儀工作，試過開會時我同人講個流程唔work，雖然係為咗件事好，但製作公司可能唔鍾意，結果就冇下次，陪我去開會的經理人同助手，都有話過我係咪傻同白癡，唔需要咁講出嚟得罪客人。」蘇慧恩笑言現時人大了，學識「隻眼開隻眼閉」，但對自己的要求仍然很高，亦不覺得自己難相處。