■陳明恩(右二)以「上海灘」造型亮相。香港文匯報訊（記者 梁靜儀）陳明恩昨日以「上海灘」造型亮相，為影音使團創世電視《分分鐘需要祢中秋online音樂分享會》錄影。
大腹便便的陳明恩表示懷孕七個半月，透露今胎生仔，問到會順產還是剖腹生B？她說：「希望順產，聽講好痛，所以心情開始緊張，但順產對BB健康好啲，媽咪又康復快啲，都想快啲見返條腰，但都要睇到時情況，最緊要健康。」她表示原計劃到澳洲生B，但現時因疫情關係，未知能否入境澳洲：「父母年初已返咗澳洲，因疫情關係冇返港，現要睇到時飛唔飛到過去，有好多個Plan，Plan A唔得就Plan B。」
陳明恩又指最近開始有抽筋情況，綵排時也感到腳部抽筋，即時要拉筋紓緩，幸好老公之前都有學按摩，在家中可以幫她按摩，而她亦有上網學孕婦運動。她透露下星期便會影大肚寫真，問到會否全裸拍攝？她笑說：「全裸只係會留畀老公睇。」 見她未有戴上口罩錄影，問到疫情下開工可會擔心？她表示錄影完畢便會立即戴口罩及眼罩，平時又會盡量少出街，很多時都由老公負責買餸或買外賣。