■Sammi及阿Sa均未有邀另一半出席。中為導演潘源良。香港文匯報訊 （記者 梁靜儀）潘源良執導、鄭秀文（Sammi）及蔡卓妍（Sa）主演的電影《聖荷西謀殺案》前晚於尖沙咀舉行首映禮，林子祥與太太葉蒨文等亦有前往捧場。
當晚兩位女主角Sammi及阿Sa均未有邀另一半出席，早前盛傳與男友石恆聰友分手的阿Sa，就表示之後才陪男友去睇戲。 （唔打算用行動澄清分手傳聞？）冇（分手）就冇，使鬼澄清， （感情好穩定？）我哋有我哋分數，冇因為傳聞嬲，又唔係第一次傳。」
談到鍾欣潼 （阿嬌）之前在內地酒店廁所內跌倒撞穿頭要縫針，阿Sa指意外發生首日就被她嚇到個心離一離：「 見到佢成張相血淋淋， 好嚴重好得人驚，有朋友仲問佢係咪特技化妝， 好彩冇傷眼同埋個腦，不幸中大幸，阿嬌個傷口有成條眉咁長，可能後生女唔同啲，康復得快，已經拆線，仲有疤痕，但會慢慢退。」她又透露阿嬌現時休息中，將於11月才回港。