■蔡思貝最想買返隻金鈪。香港文匯報訊 （記者 梁靜儀）蔡思貝昨日到佐敦拍攝金飾廣告，現場擺放了一枱金磚，思貝拿起其中一塊金磚影相時笑指好重手。
以長髮低胸造型拍攝的思貝透露廣告中會以多個造型示人，當中有型格、華麗等造型，以展示黃金百搭的多樣性。問到會否有較性感的造型？思貝自嘲性感不起，晚裝造型都係以高貴為主。問到她可有儲黃金？思貝說：「最情有獨鍾嘅金飾係我細個戴嘅BB金鈪，係婆婆送畀我的，由細戴到長大唔啱戴為止，放入保險箱時我仲依依不捨，有生之年都想買返隻金鈪，（有準備嫁妝？）未呀，要等下，若然買嫁妝我應該比較蝕底，因為我手腕太幼細，頭先拎起金磚，真係非常重手，若然結婚戴到全身都係，應該好勁。」
疫情下接拍廣告工作，問到可有被壓價以「疫情價」接job？思貝笑指是開心價：「有工作已好感恩， （有冇七位數？）唔清楚。」
她表示近日正忙拍《飛虎之壯志英雄》，雖然都有動作及爆破場面，但因還有其他演員，戲份分配上都不算辛苦，而且經歷過之前的《機場特警》後，今次都算輕鬆。