（第一場）「家家勝意」上季甫落五班即在田草長途放入一席殿軍，證明澳洲自購馬班分已有支持位，今季轉五歲成熟再進步下相信要爭取勝利並非困難事。
（第二場）「駿爵士」（圖前駒）上場大熱門卻因舌頭後移慘遭滑鐵盧，幕後肯定有損失，以上季兩戰同程獲冠亞之水準來衡量之，只要有正常發揮，要收復失地冇難度。
（第三場）「濃有」上季三戰此程得一冠兩亞，兩場亞軍分別被「精算八方」及「南區寶」以頭位氣走，證明跑此程非善類，今季五歲大熟有望將評分進一步推高。
（第四場）「幸福老撾」上季在同程三戰獲一冠兼場場有獎金，三歲愛爾蘭自購馬首戰可令「綠色勇駿」及「一舖成名」埋唔到身，絕對唔講得笑，經過暑期重整旗鼓是有條件重溫好夢。
（第五場）「美麗天使」上季尾終在田草千八米擊敗「電路一號」初嚐勝果，四歲北半球馬咁快交到成績必屬佳品，只要保持良好進度，相信今季會有一番作為。
（第六場）「雷公鑿」上季七歲在同班同程仍能大炒「多多」贏馬，彰顯此匹過氣路程專家仲有兩腳，過往亦試過季內初出即勝，今回操足而臨，擺明想先下手為強。
（第七場）「精彩勇士」在澳洲是由希斯訓練，今季異地重逢初出即勝，當勇馬只加六分沿留原班無疑給牠一個連勝機會，加上移師谷草對手冇咁強，值得再追贏。
（第八場）「加州雷電」此程十戰獲四勝五位，上名率高達九成，剛戰雖是贏三班賽，但季內初出負頂磅即贏難度分唔低，四歲仔銳氣方殷，上班釋重負更好跑，機會持續看俏。