吳家麗(右)、孫佳君(左)與黃錦燊均是實力派。香港文匯報訊（記者 梁靜儀）吳家麗、孫佳君、吳千語、傅穎、黃錦燊、朱栢康、柏天男及楊天宇等演出的ViuTV新劇《熟女強人》， 將於下周一 起播出， 昨日一眾演員出席記者會，香港電視娛樂有限公司董事兼總經理魯庭暉和監製伍健雄亦有現身支持。
久未拍劇的吳家麗被問到對收視的信心時，她直言有信心，並大讚《熟》劇的卡士陣容可媲美大電影，男女演員均是實力派。劇中她所演出的題材關於雪卵，更被黃錦燊、黃愷傑及張松枝力追，吳家麗笑指最難忘是拍被「小鮮肉」黃愷傑半裸挑逗的戲份：「因黃愷傑不停撫摸我，拍戲多年都未試過咁尷尬，現實中又冇去過舞男Party，雖然好想去。」
至於孫佳君就透露在劇中會參加「換妻俱樂部」，問到現實中可會接受？她笑說：「睇吓換邊個對手啦？有冇吸引，主力睇樣，八分換九分咪肯囉！其實好多人都偷食，換妻光明正大一齊玩，玩完就返回現實。（想換邊個？）近期冇呢種幻想。」
傅穎接拍因好艷福
吳千語在劇中與傅穎有咀戲，千語表示首次拍「女女咀戲」，覺得傅穎的壓力比她更大，因對方要做主動，她則不感尷尬，小時都有與女友人咀嘴合照。問到會否叫緋聞男友施伯雄睇咀戲？她說：「會叫所有朋友睇， 啲朋友睇咗trailer都話好正。」
談到她明年結婚的傳聞，她再三否認說：「假嘅，我冇考慮這件事，言之尚早，𠵱家多數三十幾歲至結婚，我仲有幾年！（之前上載玩B相，想早日生B？） 我都想生個咁得意嘅B，但我好忙，冇時間兼冇耐性，玩人哋個BB兩小時已經係極限，我有太多嘢想做， 見到朋友生咗BB要放下自己人生一段時間，想為自己活多陣，唔好催我啦。」
傅穎於劇中不單與千語有咀戲，與型男栢天男都有咀戲， 問到哪一個較好咀？ 她笑說：「當然係千語，因為栢天男啲鬚好拮，（好艷福？）呢個都係我接拍原因。」她又透露與張沛樂（沙律）會有攬戲，更自爆試戲時遭對方嫌棄攬得唔舒服。