■「Anita Wong」帖文聲稱，「龍門冰室」已經轉移咗去梁芷珊創辦嘅「O chef lab」工場繼續整月餅。 「Anita Wong」fb截圖網民：妖珊係唔係有把柄俾張俊傑揸住？
同人合作做生意首先要學識自保，否則好易唇亡齒寒。日前有網民喺facebook指控「龍門冰室」疑似喺「無牌工場」整月餅，仲號召其他網民向食環署舉報，點知近日網民就有「最新消息」，原來同「龍門」有緊密生意來往嘅「O chef lab」私下借出自己個工場，等「龍門」可以喺有牌場所趕製月餅，仲話「O chef lab」今次包庇「龍門」隨時犯法，只係因為雙方太多利益瓜葛先冇得唔出手喎。■香港文匯報記者 鄭治祖
經常「反偽黃」嘅「Anita Wong」早前喺fb專頁「倫敦人西先生手記」發帖，話「龍門」喺�哋個前資源中心office非法製造月餅，香港文匯報記者日前上門突擊，發現成個單位只係得返啲裝月餅嘅紙箱，並無網民所講嘅整餅機器同麵粉。「Anita Wong」其後就話，「龍門」已經轉移咗去「O chef lab」趕工。
經常同「龍門」研究餐廳菜單嘅「O chef lab」，原來係由俾攬炒派封為「才女」嘅梁芷珊創辦，「Anita Wong」就摷返由「O chef lab」出產嗰啲產品嘅實物圖，寸佢啲出品賣相差又難食，係靠「龍門」啲粉絲效應先有銷情，眼見自己個大客隨時被食環署冚檔，梁芷珊真係唔保唔得。
「Anita Wong」又提議俾「龍門」老闆張俊傑告緊誹謗嘅「Marco Yeung」，可以用呢件事向法庭質疑張俊傑有人格問題，睇吓梁芷珊到時敢唔敢上庭幫張俊傑作「假口供」、「妨礙司法公正」喎。
網友批「蛇鼠一窩」
「悠悠」就留言話：「呢個何妖珊（梁芷珊）祇是（只係）賣餸菜包俾（畀）人血冰室（龍門冰室），人血冰室就『叮』俾（畀）客人，D（啲）盲粉on ×，食波仔飯好過，比佢平得多，7-11很（多）叮飯比佢仲好味！」
「Bella Li」就「讚揚」：「咁都肯幫真係夠晒義氣，隨時拉埋自己落水。」
「Kitty Mok」就解釋：「唔幫唔得，分分鐘佢（梁芷珊）有把柄係（喺）『龍門』手上，唔幫就反面，到時仲大件事。」「Perla Pearl」就話：「蛇鼠一窩！」
「Otis Lo」就話梁芷珊都可能犯法：「食物製造牌都有分別，唔係有牌就可以批發同生產，有隻牌係食物製造廠牌，但只可以做後期加工俾（畀）自己店鋪（舖）賣，所以要睇何妖山（梁芷珊）工場係咪加工食物製造廠牌，因為曾經俾（畀）食環（署）提醒過工廠牌都有分別。」
「Sao Kin Wong」就覺得，最緊要解決問題：「未攞『完』（月）餅嘅聾（龍）粉機會嚟啦，最後機會係（喺）梁妖（梁芷珊）度取（月餅）......一樣的屎！」