■ 陳百祥表示現時只會出心做事。 資料圖片香港文匯報訊 （記者 梁靜儀）特區政府昨日公布2020年授勳及太平紳士委任名單，其中陳百祥（阿叻）獲頒銅紫荊星章，以表揚他熱心社會公益，多年來積極支持和參與慈善籌款節目，貢獻良多，充分表現其無私與仁愛的心，也是促進社會和諧與溝通的良好榜樣，同時他在演藝界的成就傑出，對工作投入及專業的態度是新一代演藝人的模範。
阿叻昨日接受香港文匯報訪問談到獲授勳感受，他表示在兩三星期前已獲政府通知獲此榮譽，自己亦好樂意接受：「我係土生土長香港人，每年都為香港做好多慈善公益活動，我係不計酬勞出自真心去做，自己過咗25歲好多個月，𠵱家工作心態唔同咗，係出心做事 ，冇諗過有呢個榮譽，得到政府同大家認同好開心，對自己係一個鼓勵，（今後會否做多啲？）冇諗咁長遠同咁偉大。」
阿叻又直言他所做的事有人認同亦有人不認同，而每個人的思想都是獨立的，他希望能給認同他的人一些啟發：「我讀書又唔多，生意又失敗過，但仲可以有貢獻畀社會，同得到呢個榮譽，希望可以帶畀鍾意正能量嘅年輕人一個啟發，我唔信全世界後生仔都唔鍾意我呢一輩嘅長輩。」問到有何寄語給年輕人？他謙稱自己不會教人：「我唔識教人，否則就生咗（小朋友）啦，大家感受到係點就點，希望自己嘅行為可以畀大家學習。」