■Hubert（右）去年經歷了在音樂路上的休息。香港文匯報訊（記者 梁靜儀）胡鴻鈞（Hubert）日前作客TVB娛樂新聞台節目《StarTalk》，接受主播許文軒（Edmond）專訪，大談再推出新碟，感覺有如重新出發。
Hubert去年經歷了在音樂上的休息，以及之前拍劇受傷，所以對今次出碟有好深感受：「有一種重新出發嘅感覺，休息嘅時候可以畀時間自己同自己傾偈，更清楚知道嚟緊條路可以點行，或者以往發生嘅事有咩做得唔夠好，可以點改善。」
今次新碟中的歌曲，有一半都是Hubert的作品，對於成為真正的「創作歌手」，Hubert卻不敢當：「創作歌手呢個名真係當之有愧，自己唔係創作出身，亦唔係以創作歌手姿態入行，所以呢條路都係慢慢摸索中，𠵱家努力學習同創作。」
說到他在新專輯中的唱腔有別以往，Hubert直認不諱，他笑說：「參加比賽出身嘅歌手，好多時都會有Show Off腔，𠵱家聽返覺得有啲造作，同埋現時後生嘅歌手同埋個潮流，唱嗰時都唔會太Over同唱得太用力，佢哋唱得好舒服，但有好多情緒，亦有技巧，我同監製商量後決定將把聲放輕好多，我都係一路學一路錄。」