■ 袁嘉敏未有另一半，感到很孤單。香港文匯報訊 （記者 梁靜儀）袁嘉敏、陳婉衡、劉美娟與老公張崇德、張崇基及林雅詩等，前晚出席《壞蛋獎門人》重映首映禮。久未出席公開活動的袁嘉敏表示今年農曆新年後已沒出席公開活動，而近期主要經營YouTube頻道，拍片、剪片一手包辦，主要是分享她的工作經歷和旅行片段，最多人看的那條片更有200萬次瀏覽量，並帶挈她獲意大利品牌邀請設計首飾，但受疫情影響要延遲。
談到電影工作方面，袁嘉敏稱其實每個月都有人邀請她到內地工作，但找不到一個肯陪她返內地隔離完再開幾日工又走的助手：「我呢幾年返內地工作有30次，都有驚險，試過黑暗中奔馳，去咗一個唔知喺邊度嘅地方，所以最好係有個男助手，個樣要夠惡。」她坦言這段時間推工作推到心灰，損失幾十萬，但又不想家人擔心。問到中秋節可有男性約會？袁嘉敏自言中秋節要同姪女過：「我𠵱家單身，本來想今年搵個伴侶，但疫情下都冇晒社交聚會，同朋友食飯都係得5次，其餘日子孤伶伶過，𠵱家都冇諗喇，寧願拍片感覺有世界各地啲人睇，冇咁孤單。」
陳婉衡與落選港姐鞏姿希結伴到場，她表示男友對卡通片沒興趣，而且又要忙工作。提到男友表現冷淡，問到二人感情是否有變？陳婉衡想了一想說：「OK嘅，情侶有時都會嗌交， （中秋節會如何慶祝？）媽媽已返加拿大，剛過去嘅周末已一齊食飯慶祝，男友原本話去，但唔好提喇。」
陳婉衡自爆跟男友吵架
陳婉衡又稱不擔心這樣爆料會令男友不悅，認為嗌交反而更能了解對方，而且都是耍花槍而已。中秋節能人月兩團圓嗎？她說：「希望啦，佢都好忙，我見佢都要攝時間，或者上佢辦公室叫外賣見一見，情侶一齊要互相遷就，我忙時男友都會咁樣做。」
她又笑今次嗌交對她來說都是好的，因與男友拍拖後這半年肥了5kg，可趁冷靜期間減磅，免得對方覺得貨不對辦。