由於昨日掛八號風球冇晨操關係，在此介紹兩匹心水馬給大家參考吓，今晚場地可能會起變化，加上谷草B欄利前置，看來會係走得快好世界形勢。
第一場、第五班、一二○○米，「赤水神駒」在港五勝，當中四場來自谷草同程路有專長，季內跑過三場，兩場沙田熱身味濃未可作據，睇番前仗谷草千二米排十一檔起步，沿途二疊望空，直路猶有餘勁，終點前才失位置跑第四，證狀態復勇八九，過往五勝均無配備，今次除眼罩有計。
第二場、第四班、一六五○米。「勁力威龍」上季首次配潘頓立即上名，剛戰田草千四米用巴度，留得過後跑第三，發揮平平，復課潘頓重新接手連操多課，動態緊張值追。