昨日八號風球，跑道關閉，筆者只好提供四匹勇馬俾大家。
第四場、第四班、一○○○米。「仍然贏」上仗轉廄初出即勝，蹄下敗將「爪皇轟天」上周同程補中，本身操足勇熟再進，升班依然夠殺。
第五場、第四班、一二○○米。「電訊火箭」季內三場搏殺未逞，近兩戰轉來谷草上陣先季後殿，試準後換人排埋二檔靚位，補中在望。
第七場、第三班、一八○○米。「幸福老撾」剛戰初出跑谷草一哩都唔夠快，後追姍姍來遲第四名不算失望，今次增程千八米對症下藥，值得跟進。
第八場、第二班、一六五○米。「非凡才子」四月份試閘曾流鼻血，上仗休後復出僅敗跑第二，證明全面康復，轉場角逐擅長谷草一哩，是馬房頭馬希望。