■ 黎諾懿表示近期拿鑊鏟多過拿咪。香港文匯報訊（記者 李思穎、梁靜儀）黎諾懿、陸浩明及陳詩欣等，昨日出席於將軍澳電視城舉行的《big big shop超級感謝祭》記者會， 跟無綫高層杜之克、 余詠珊及李家駿攜手主持開幕儀式。
黎諾懿近大半年頻頻出席煮食節目，分別有《今晚請客》及《疫境廚神秋冬盛宴》，問到他做了煮食節目主持後，可有帶挈他多了搵外快機會？他笑着承認說：「有少少外快啦，𠵱家揸鑊鏟多過揸咪，有好多sponsor，同植入式廣告畀少少錢我介紹產品。」他又笑言本身鍾意煮食，又鍾意用新廚具，不介意贊助商送新產品給他用。問到可要換過大些的廚房？他說：「最好係實際啲，暫時折現畀我先，然後再搵我拍廣告。」
老婆埋怨無求過婚
諾懿繼早前拍《今晚請客》時險些燒着錄影廠器材後，最近他在節目內又燒燶了自己的眼睫毛，諾懿說：「其實都係因為玩火之過，嗰日煮焦糖蘋果，開頭以為無乜嘢， 可能個爐熱得滯，我又掛住傾偈，點知突然間個火燒咗上去，我眼眉毛同頭髮燒燶咗少少，返到屋企都要老婆幫我修剪眼眉毛，睇返片都幾恐怖，以後會小心啲，但個畫面真係好靚。」
另外，黎諾懿在電台節目訪問中，告誡所有男士，結婚前一定要有求婚的過程，皆因當年風水師說他已到結婚年齡，他便同老婆順理成章結了婚，可是之後每次幫其他朋友搞求婚派對時，老婆便埋怨當年沒向她求婚。
諾懿在出道後幾年，曾經有一段時間要租住劏房度日。他最難忘鄭伊健默默的扶持，兩人因喜歡水上活動變得投契。在人生低潮的時候，伊健多次向諾懿提供支援：「以前出活動，佢知道我慳錢平時唔買衫，成日都會借衫畀我。」同時伊健亦幫助他解決工作上面對的迷思。
諾懿曾經到達一個樽頸位，有想過放棄堅持演藝事業，直至得到比賽《舞動奇蹟》的邀請到內地拍攝，他透露：「當年拍這個節目，拍4集已經等於我一年在TVB嘅人工，最後更得到冠軍，帶來不同發展機會，但我選擇在跌倒的地方企返起身，最後都回香港拍劇，但我老婆話我當時應該要返內地發展，可能現在都已經可以躋身福布斯排行榜。」