■ 陳詩欣和陸浩明出席《big big shop超級感謝祭》記者會。香港文匯報訊（記者 梁靜儀）陳詩欣與陸浩明昨日出席《big big shop超級感謝祭》記招。陳詩欣將為好姊妹余香凝於本周六舉行的婚禮擔任姊妹團之一，問到屆時會如何玩新郎？詩欣笑說：「冇開會商討，佢唔會想我哋玩佢老公，要錫住，同埋佢老公真係對佢好好。」至於婚禮形式及酒席圍數，她就表示不知道，只知道廖子妤也是姊妹團之一。
與圈外男友拍拖兩年的她，表示由於余香凝想低調舉行婚禮，所以屆時不會攜眷出席，問到會否搶花球？她笑說：「當然，佢話會留個花球畀我，但我知個個都想爭，好似廖子妤咁，身邊姊妹個個結晒婚，所以壓力喺晒我度，（想快啲嫁？）又未，但同男友都感情穩定。」
另外，肥媽（Maria Cordero）丈夫Rick日前因為肺腺癌離世，一直未現身的肥媽日前透過社交平台報平安，不過仍然十分傷心。身為契仔的陸浩明被問到肥媽近況，他表示都是發短訊聯絡肥媽，他說：「 睇完肥媽條片仲好擔心佢，因為丈夫突然離世，情緒波動好大，阿媽佢好多謝大家對佢嘅關心，（肥媽話唔想見人？）阿媽同丈夫咁恩愛，屋企經歷咁大難關，家人突然離開定會好傷痛，畀啲時間妘B理。」
陸浩明又透露昨日收到肥媽通知，Rick的喪禮將於今個月17日設靈，翌日出殯火化，他身為契仔，肥媽有需要一定會幫手，但都有叮囑肥媽一定要保重身體及要給時間去平復。問到會否去陪肥媽？陸浩明稱都有想過去陪肥媽，但這刻有很多朋友及狗狗陪她，可能之後再陪她食飯。