■梁振英揶揄：「革命家？模特兒？演員？」 梁振英fb截圖講到「掠水」手段，睇怕壹傳媒最有發言權。壹傳媒創辦人黎智英??家正還押監房，《蘋果日報》就趁機諗出一招賣T恤掠水，標榜乜「無畏無懼，繼續戰鬥」云云。全國政協副主席梁振英噚日就喺facebook發帖暗諷呢啲廣告片中嘅人究竟係所謂「革命家」定「演員」呢？有人就回應話，呢啲都唔係，佢哋似騙子多啲喎。
黎智英涉嫌欺詐自本月3日還押荔枝角收押所，其後再被加控一項「勾結外國或者境外勢力危害國家安全」罪，早前轉倉至赤柱監獄繼續還押。雖然人喺監房，但生意耽誤唔得。《蘋果日報》日前就推出兩款分別印有「No Fear Fight On（無畏無懼，繼續戰鬥）」同埋「Uncovering The Truth Confronting Injustice（用真相對抗不義）」嘅黑白T恤，每件100蚊。
前日，佢哋喺A3版面呢個重要位置安排咗個全版廣告，仲要設計得十分「有心」，只見一個面露兇色嘅女人扯住件衫引起人注意，全版幾乎黑白色，惟有右下角嘅「立即選購」同埋蘋果日報logo選用紅色，好生醒目，而佢哋仲十分貼心咁附上買衫網站嘅QR Code，明眼人都睇得出佢哋打住「抗爭」旗號「掠水」嘅「決心」。
梁振英當日就喺facebook發帖，並附上上述嗰張全版廣告照片話：「多麼的諷刺！走佬的、脫黨的，穿上這件T裇（恤）秀給大家看看好嗎？人家賭人頭搞革命，這些人賭口水喊革命，槍聲未響已經鳥獸散。」
陸頌雄寸「立即選購」是重點
工聯會立法會議員陸頌雄都留言話，廣告中「右下角的四個字（立即選購）才是重點」。網民「張天智」亦話：「人地（哋）戰鬥空調冷氣有錢收，傻仔戰鬥身水身汗還要課金。這些才是正宗韭菜。」「Dora Yau」都看破：「危險嘅，留番（返）畀啲首joke（「手足」）?（頂）。」
噚日《蘋果日報》繼續「掠水」攻勢，仲係A3版，仲係醒目嘅「立即選購」字樣同貼心嘅QR Code。梁振英就貼出張有數個男女嘅廣告圖揶揄：「革命家？模特兒？演員？」
民建聯議員何俊賢就同蘋果日報「出主意」：「揾許智峯代言丫（吖）嘛，叫香港手足留港fight（戰鬥）自己flight（走佬）。」政協青年聯會常務副主席陳志豪就留言回答，話佢哋可能係「騙子」呢。 ■香港文匯報記者 文根茂