【資料速遞】靚紫荊一檔有權爆

2020-12-22

周三谷草九場賽事用C+3欄作賽，睇番上季至今十一次同一移欄賽事，每次均有黃金一檔馬贏出，當中九次更贏兩場或以上，合共交出二十五場頭馬，包括上次十一月廿五日就有「好鬥心」及「勁駒」起孖，證明狹窄跑道對排內檔馬極之有利，屆時抽得一檔之參戰馬相信又會有頭馬交出。共有四位騎師停賽兩日後，於今次周三谷戰刑滿復出，分別是何澤堯、史卓豐、郭能及梁家俊，其中何澤堯最近一次停賽復出策騎六駒，獲一勝兩位一殿一第五，僅一駒無獎金，另外史卓豐今季亦試過停賽復出即勝。較為睇好頭場排一檔的「靚紫荊」。