■右起：展鵬、煒哥與文傑曾同期效力亞視，離巢後過檔無綫，終有再合作機會。香港文匯報訊（記者 梁靜儀）陳展鵬、陳煒（煒哥）、袁文傑、江嘉敏、謝東閔及陳敏之等，昨日出席無綫新劇《黯夜守護者》（暫名）造型記者會，陳展鵬否認睇中醫補腎，但就承認有意為女兒添個伴。而江嘉敏近日發放甜蜜合照，男友竟建議她減肥。
今年未有劇集入圍角逐台慶頒獎禮獎項的陳展鵬，對於有指無綫為王浩信再鋪路奪視帝，臨時抽起他主演的劇集，故他會缺席台慶頒獎禮。展鵬說：「我未收到公司通知，如果公司想我出席，我都想出席，其實我都兩年冇出席，因為我冇劇出，所以今年都應該唔會出席，等下年先。」他笑言有時在街上都有觀眾問他為何沒有劇播出，以為他結婚生小朋友就上岸不用拍戲。
對於跟陳煒及袁文傑兩位亞視舊同事再度合作，陳展鵬表示大家經常在公司見面，一直都想再合作，他笑說：「今次得償所願。」他又透露連同《黯》劇共有4套劇集存貨，但希望可以分開播出。問到冇劇出街是否要讓路給王浩信攞視帝？他否認說：「梗係唔會啦，如果你問我反而驚丹爺（劉丹）啦，王浩信又攞過獎，佢啲劇都好多觀眾鍾意，印象中林峯、丹爺未攞過，（睇好哪個得獎？）梗係支持一啲未攞過嘅演員，我睇丹爺《上海灘》演馮敬堯大。」已育有一女的他，對於被拍到與老婆單文柔去睇中醫，被指補腎追仔？他笑說：「其實啲相係年幾前影，嗰時都唔使戴口罩，我只係帶老婆去睇中醫調理身體。（想追仔？）短期內唔會。」不過他笑言睇到雜誌封面都有衝動生多個：「因為疫情見到個女喺屋企好悶，所以𠵱家會順其自然，如果生都係呢段時間，因為再過10年就未必會生，唔係身體問題，係怕冇時間和能力同小朋友玩。」
袁文傑未習慣被叫老公
袁文傑與煒哥在新劇中飾演情侶，煒哥在劇中亦是一位單親媽媽，有一個14歲的兒子，因大家還未熟絡有少少代溝。問到煒哥現實生活中跟男友的女兒可有溝通時？她坦言：「冇接觸。」
另外，新婚的袁文傑被問到婚後的生活跟以前可有不同？他笑說：「冇諗太多，因為每日都要開工，其實相處形式亦都差唔多（同太太之間稱呼有冇唔同？ ）最初聽到叫『老公』都要適應吓，但都係Sweet嘅。」
此外，江嘉敏日前在社交平台上載被電競公司高層男友Anthony「公主抱」的甜蜜合照。昨日江嘉敏被問到放閃一事？她笑說：「因為係男友30歲生日，所以送個Post畀佢， 我都感覺好Sweet，但男友就建議我要減肥。」問到會否聽男友建議減肥？江嘉敏表示都會：「因為之前《食腦喪B》監製都話我影大頭時，個頭大到似足球，所以都要減。」