第五場「萬眾力得」上季兩捷質素絕對唔曳，今季加盟羅富全馬房後循序漸進，今次落四班對手經已減弱，力足贏馬交代。「威妙星」今季出道三戰獲兩次上名紀錄都係跑直路賽，跑轉彎千二米就落第而回，今次在從化贏好大閘勇熟俱進，屆時交出水準結合進步，冇W都應有Q啩。
第六場「無極戰士」近期走勢明顯大幅進步，今場對手大部分狀態只屬初起，居此負輕磅絕對有權突擊。「保羅承傳」今季六戰五次跑入Ｑ，由千四轉跑千六米之後威力更強，本身仍在不斷進步之中，在四班始終有優勢，估計幕後會繼續鍊。
第七場「好眼光」上場在港初出田草千二米排十四檔照捧成大熱門，果然以雷霆萬鈞姿態打響頭炮，擺明質素唔同班，連捷呼聲高唱入雲。「青心星」近六場獲一冠一亞兩季一殿，四歲馬屬此班中堅分子，磨利再臨有條件施襲。
第八場「銀紙」從今次賽前工夫所見，操練非常積極，試泥閘後上第三走勢吸引，埋門拍跳再締超高速表現甚佳，今次三班對手實力平平，機會樂觀。「如真如假」今季一出四班泥地千二米大勝開齋，上次升班都跑入第三名並未構成壓力，證明實力夠班，磨利隨時推翻大局。
第九場「足金好球」在紐西蘭時由「蒙古可汗」馬主擁有，出賽七次仍屬處女馬身份，惟曾在千六米二級賽奧克蘭堅尼跑第五，同母「為食格格」在港贏一哩為主，今次加程跑千六米應合腳法。「電訊巴打」於澳洲五戰三冠一季，曾在蘭域馬場建功，級數不弱，來港跑四場熱身足夠，近兩場喜見落後頭馬只三馬位，汲取一哩經驗再來，狀態亦見好，大冷勿忘。
第十場「勁搏」今季三出三捷勢如破竹，小休後最近復課贏試閘都係由雷神主理，今場棄「喜豐寶」而揀騎，值得秤先。「喜豐寶」今場改配蘇銘倫，其實呢個配搭亦唔意外，事關蘇銘倫於○八年曾夥拍同主馬「喜聚寶」角逐香港打吡取得亞軍，今次故劍重逢戰意可畏。