【資料速遞】美麗同享外地績佳

2021-01-08

澳洲有匹馬Alligator Blood，首十一戰十冠一亞，正當勢如破竹之際，馬主唔肯賣，但到跑第十二場忽然走樣大敗而回，結果身價立即縮水一半，聽個好熟行情的馬主講，同日有匹叫Talladega嘅三歲馬，喺西澳贏咗場千八米表列賽，累積四戰全勝，賽後即放盤，唔夠兩日被香港買家收歸以自購馬身分來港，江湖傳聞身價高達八百萬港元，呢匹馬就係「美麗同享」。「美麗」系今季支持希斯馬房，但成績暫時只是一般，唔計馬王「美麗傳承」，「美麗連連」急性心臟病發冇得救，尚有「美麗歡欣」未跑退役，今次呢匹高價馬「美麗同享」係時候交功課，加上為爭取打吡入場券必定會全力搶分，首戰已有即食條件。