●吳若希指自己的經理人是無綫，所以影響不大。香港文匯報訊（記者 李思穎）星夢娛樂行政總裁何哲圖（Herman）將於本月底離任，由新官上任的曾志偉接棒音樂事務，星夢旗下一班歌手多謝Herman在任期間的栽培。
星夢的吳若希（Jinny）對於Herman離職表示：「Herman 對我哋好好，多謝佢咁多年嘅照料，希望繼續為樂壇帶嚟好嘅音樂，而自己經理人是無綫，所以影響不大。」
近年備受星夢力捧獲得不少唱主題曲機會的譚嘉儀表示：「多謝Herman一直給我不少機會，其實前幾日已經收到Herman通知要離開的消息，之後工作會等公司安排，（會否擔心工作受影響？）不會太擔心，只會繼續做好自己，自己由2015年開始跟Herman合作，對方非常盡責，對音樂上有好大貢獻。」
JW對志偉有信心
加盟星夢不久的王灝兒（JW）說：「我都好多謝無綫同Herman過去幾個月嘅照顧同支持，亦希望佢嚟緊個人音樂事業會發展得好好！我由細個開始已經好鍾意睇《超級無敵掌門人》同埋志偉哥嘅電影，所以對志偉哥好有信心，好似佢咁講，一齊進步，帶畀市民歡樂，一齊製作好嘅節目同音樂畀大家！」
謝東閔說：「新人事新發展，最重要是大家有工開，事事順利，（事前知否Herman離職？）不知，沒有收到通知，（打亂音樂上計劃？）不會，一直以主力拍劇為主，音樂是我另一方面發展，同Herman合作了兩年，其間有新歌和合唱歌推出，反應不錯，希望打後在音樂路上繼續有新發展。」
鄭俊弘透過經理人回應說：「剛剛從新聞睇到呢個消息，好多謝Herman這幾年對我在音樂上的栽培，衷心希望他嚟緊會有更好發展。上年尾我同唱片呢邊嘅合約都完咗，所以都係睇新聞先知呢件事，嚟緊新一年我都有新的開始，新的嘗試，繼續努力做好自己。祝大家新年快樂！身體健康！」
至於星夢「一姐」菊梓喬則表示未收到通知，未有回應。