● 黃建東跟陳豪及宣萱合作愉快。香港文匯報訊 藝人黃建東（東東） 在熱播劇集《陀槍師姐2021》飾演懸案小組警員GD，表現生鬼搞笑，他笑言是其最好玩的角色之一：「因為GD成日發明星夢又煲韓星跳舞片，所以返工會搞到好似行時裝騷，日日都唔同look。GD最貪靚係唔單止成日整頭補妝，仲帶埋個蒸面機返去蒸面敷mask。」另外，GD的辦公室寫字枱貼滿東東的相，時裝古裝都有：「因為我個角色好自戀，又成日好享受做臨時演員，所以特登摷返入TVB咁多年的工作相貼到成張枱都係，連水壺同埋枱燈都貼埋，啲朋友見到大叫攞命。」
另外，東東好多謝宣萱及陳豪帶領得「懸案小組」這個團隊好好玩：「拍劇的時候已經好好笑，講對白的時候又要成日忍笑，鏡頭後大家又會傾得好開心好family，我覺得返工就好似放假咁放鬆。」