● 洪永城坦言拜年時曾被催婚。自封「鑊王」 陳豪誇稱下廚有鑊氣
香港文匯報訊（記者 梁靜儀）陳豪、宣萱、洪永城、羅子溢、鄧佩儀、鄭俊弘及陳庭欣等，昨日到電視城出席劇集《陀槍師姐2021》宣傳活動。陳豪表示年初四已開工拍劇，留在家中煮餸的他海景豪宅曝光，令到宣萱也大表羨慕，他又自誇下廚夠鑊氣。洪永城透露與女友梁諾妍感情穩定，希望下年可結婚派利是。
宣萱亦表示新春期間放三日假，都是留在家中煮飯，又表示羨慕陳豪新居有個大廚房。陳豪自誇說：「我係『鑊王』，我煮嘢好有鑊氣，啲餸經我手色香味俱全，我係追求味道嘅人，下廚着重高品質。」宣萱即笑指他：「佢個老婆都要高水準！」陳豪亦不怕肉麻大讚太太陳茵媺（Aimee）的廚藝超水準：「其實我覺得自己廚藝好勁，不過佢仲勁，佢唔識煮都會上網搵食譜學煮。」問到陳豪下一步會否計劃開餐廳？他表示不會了，而他的咖啡店都有提供食物。
宣萱直言平日甚少下廚，但相信有心學就一定得，她也試過為朋友下廚煮西餐，朋友都讚好。問到新一年宣萱會否加把勁拍拖？她笑說：「算罷啦，我都唔出街，朋友都見得唔多，隨緣啦，我好享受自己嘅生活，（情人節有冇約會？）我有個同性同學都會約我食飯，佢好照顧我。」
洪永城放完新年假後，昨日首日開工，他表示預備了4位數字開工利是，並恭祝大家：「希望大家新一年順順利利，賺到、儲到、身體好！」說到之前他被誤報「獲女友鞭策下體」後，他笑指得到不少關心，身體暫時還撐到，若有困難會在社交網站跟大家報告。他表示新年期間因食了太多賀年糕點，以致做瑜伽時被大肚腩頂住，故新年期間已做了3日運動。與女友梁諾妍感情穩定的他，被問到何時結婚派雙封利是？洪永城承認拜年時曾被催婚，他笑說：「希望明年派啦！（求婚未？）目標而已。」
另外，提到他在《陀》劇中的演出被網民稱讚，洪永城謙稱都是編劇將他的角色寫得好。他透露暫定4月會開拍新劇，故事與鬼怪有關，希望有新驚喜及刺激給大家。笑問是否有意挑機韓國男神孔劉？他笑說：「我又要心口插住把劍呀！」
鄧佩儀曾遇男友出軌
鄧佩儀透露劇中愛錯人的她會有個好慘的下場，劇情將會交代她離世，她突然有感而發說：「呢個故事教導大家，千祈唔好愛錯！（是否曾受感情傷害？）入行後曾經同一個圈外男仔拍拖，得知對方出軌，之後仲親眼證實，我用咗一年時間療傷，所以𠵱家唔會好似以前咁快就鍾意一個人，會花多啲時間去了解一個人先。」她又笑指被情傷後的得着是拍喊戲好了很多。
至於剛從內地返港過年的羅子溢表示與太太楊茜堯回港後未有即時返屋企，二人租住酒店房等檢測結果。久未見女兒的他，指女兒初時見到他喊爆令他心痛，他唯有扮人肉升降機跟她玩，所以好快就熟絡，反而對媽媽仲有點生疏。
羅子溢又大爆太太 「一喼去幾喼返」：「我哋5個人返嚟，足足有17個喼，我仲要騰出自己一個喼畀太太用。（碌你張卡？）又唔係好多錢，一得閒就會睇嘢，佢上至面膜、下至煮食用品乜都買，係個病態。（都係用咗面嗰浸？）你哋睇我嘅笑容就知啦。」