第七場､第三班､一二○○米。「三圓馬覓路」翻看喺一月尾取得嘅一場強組頭馬，由於排外檔，蔡明紹選擇留後找遮擋，結果走中疊打衝鋒爆出冷W；拚後兩戰皆跟跑而回，今次縮爭千二，起用冷殺手彭國年執韁，小心由蟲變龍。
第八場､第三班､一二○○米。「會長之星」上季尾轉韋達馬房後首戰，起用周俊樂放頭建功，但當時在四班，擺明是靠質素搭夠，跑法上並非放頭才好。今季初出即在三班谷草千二後上與「喜佳龍」串Q；近三戰賽後仄到不良於行及氣管有痰等不利因素，今仗易配紹仔排二檔，如搶閘放出，機會不能忽視。
第九場､第三班､一六五○米。「友港友笑」周歲價一百萬港元，與「狂舞派」及「北極光」同父系，來港插三班評六十八分，上季兩戰志在減分，今季初出渡江爭千二，配彭國年臨場曾見着綠燈下跑第五，隔了兩仗回師谷草增程一哩改配巴度，結果以均速放入大冷Q；上賽豈料早段走外疊兼被碰撞下招大敗；搵食馬今次易配潘明輝排位內移，正合冷敲條件。