●游嘉欣學了好多影相擺甫士的技巧。香港文匯報訊（記者 李思穎）游嘉欣因《香港愛情故事》一劇而彈起，近日終接下第一個代言廣告，為一個女性服裝品牌拍攝硬照。該品牌之前的代言人有天后級鄭秀文，以及一眾美女紅星徐子珊、吳若希、朱千雪、戴祖儀等，所以最初聽到經理人告之被客戶揀中時，真的不敢置信，簡直是超級開心。
整日的拍攝過程對嘉欣來說是一個新體驗，她謂：「好興奮人生第一次影廣告硬照，以前睇時裝雜誌見到啲model着靚衫影相，已經好想試，呢個感覺好奇妙，有資深專業的攝影師、化妝髮型師幫我大變身，試咗好多唔同嘅春夏系列，佢哋仲教識咗我好多影相擺甫士嘅技巧，好鍾意呢輯相。」
這輯新廣告近日全面推出，品牌所有店舖都會換上嘉欣的新廣告板，巴士車身也將會有她的廣告。嘉欣興奮道：「要搵時間落舖頭影相打卡，又或者大家如果見到我可以影低Send畀我。」
嘉欣最近專注新劇《青春不要臉》的拍攝，劇集是上世紀八十年代的背景及造型：「好享受拍攝過程，幕前幕後嘅演員及工作人員都好照顧我，真係好感恩遇上好多工作機會，同埋好多好好的夥伴。」