● 志偉親自送花給家燕姐。香港文匯報訊（記者 梁靜儀）薛家燕（家燕姐）主持的《流行經典50年》（流行經典），前晚錄影最後一集，適逢當晚是家燕姐71歲生日，工作人員送上生日蛋糕，而無綫副總經理曾志偉更特別到錄影廠，聯同一眾出席藝人以及家燕姐3位子女，齊齊為家燕姐唱生日歌慶祝。志偉指家燕姐條事業線長有排做，並承諾《流行經典》會於年尾回歸。
當晚除了一眾主持家燕姐、曹永廉、鄭俊弘及譚嘉儀外，並邀得多位嘉賓，包括胡楓（修哥）、 馬德鐘、王君馨、 劉佩玥（Moon）、王馨平、湯寶如、楊思琦、歐倩怡、黃智賢、陳敏之、胡諾言及鄭世豪等參與壓軸錄影。台上家燕姐跟一眾昔日有份參與的主持及嘉賓輪流講出感受，家燕姐感觸說：「4年來主持咗160集節目，難得最後一集邀請到參與過嘅主持嘉賓亮相，喺呢個廠期適逢係我嘅生日，呢個係我嘅幸運同福氣，雖然有啲不捨，但知道志偉有心搞好音樂同綜藝，係好事，當然要支持。」曾志偉除了向家燕姐送上祝福，並向家燕姐承諾：「一定唔會係最後一集，你睇家燕姐條事業線咁長，梗係有排做啦。」家燕姐笑言：「好彩你留意到我條事業線。」
家燕姐受訪時表示今年生日過得特別有意義，因為廠期剛巧是在她的生日。雖然生日要開工，但喜歡熱鬧的家燕姐卻不介意，還很高興能與一班朋友及昔日主持聚首，覺得似做生日般，覺得很興奮。問到家燕姐錄影完後會否跟子女一同食飯慶祝？她透露日前已跟家人提早食飯慶祝了：「當晚大女偷偷安排我啲好姊妹一齊食飯，分4人一張枱，邊食邊睇《流行經典》 。」談到生日願望，家燕姐笑言希望身體健康外，屋企繼續有喜事、兒孫滿堂，以及疫情盡快過去。問到男友可有送禮？家燕姐表示由於全日返電視城錄影節目，可能返到屋企會收到禮物。她又稱已收到修哥送上的順產湯水食譜，她可以回家教工人姐姐煮給新抱飲。對於錄影最後一集《流行經典》，家燕姐坦言心情有點不捨，不過最開心的是曾志偉承諾節目將於年底「回歸」。
馬德鐘有幸趕上尾班車
另外，馬德鐘、劉佩玥與王君馨前晚來擔任嘉賓，馬德鐘表示家燕姐是其幸運星，他說：「之前兩次都度唔到期，今次家燕姐打電話畀我就好順利度到期上節目，趕到尾班車做嘉賓。」家燕姐透露之前邀請過馬德鐘到星馬登台，知道他是唱得之人，兩人會在節目合唱《緣分》。
馬德鐘透露除與家燕姐合唱外，並會獨唱《我只在乎你》，他指太太及兒子都很喜歡這首歌：「我未唱過呢首歌，答應咗上節目後都有練歌，希望唔會失禮，始終第一次上來，自己唔係唱家班，又好少喺電視上唱歌，雖然之前有唱過劇集主題曲，但上來玩都好開心。」
同樣是首次上該節目的劉佩玥，當晚穿上黑色短褲大騷長腿，她透露會與主持之一的譚嘉儀合唱《信者得愛》，她坦言之前未唱過這首歌，還要跳舞，認真考起她：「嘉儀提議最後一集，一齊想跳少少唱少少，但點知並唔係咁，係要跳晒，我唔識跳舞，所以我返屋企要狂練，唔可以辜負大家，我喺公司排練咗兩日，又拍片返屋企逐格慢慢重播跟住練，希望睇到另一個唔一樣嘅Moon。」
王君馨表示當晚是以特別身份上節目，她是應節目主持之一的鄭俊弘手機群組號召，跟當年《星夢傳奇》的參賽者、現時的藝人齊齊上節目，她很開心大家一呼百應，即時報名，並慨嘆說：「我哋參加個比賽已經係8年前，時間過得好快，有啲人結咗婚，有啲人做咗媽咪，可能要在下個8年組團再聚，當年大家都好火熱追逐歌星夢，我上年都做咗獨立歌手，但已經變成上一代星夢，期待新一代星夢有好發展。」