● 朱茵炮製「火辣」蛋糕餵黃貫中吃。香港文匯報訊（記者 李思穎）黃貫中（Paul）和朱茵結婚9年恩愛如昔，昨天正是Paul的57歲生日，朱茵先預告會給老公準備驚喜，原來是特地為壽星偷偷炮製「火辣」蛋糕，親手整了一個Wasabi蛋糕整蠱老公！不過Paul照單全收，還大讚「好味」，名副其實的「愛妻號」。
朱茵實行整蠱計劃當日，率先抵達Paul的畫室，準備好各種食材，她首先在忌廉蛋糕上塗了不少山葵醬及芥末醬，再用草莓、芒果等水果作「掩護」，務求要 Paul一試難忘，辣到飛起！
當壽星Paul到場後，朱茵先用雙手蒙住對方雙眼，待Paul睜開眼看到「其貌不揚」的整人蛋糕後哭笑不得。不過得知是老婆親自為他炮製的蛋糕，Paul唯有硬着頭皮試食。當他吃到Wasabi後立即「揦埋口面」，更辣到飆眼淚，並高呼：「嘩！辣嘅？係咪整蠱我㗎？不過整蠱唔到我，因為我覺得幾好食喎！」奸計得逞的朱茵在旁一直偷笑，怎料Paul也要餵老婆吃一口Wasabi蛋糕，實行分甘同味！朱茵當然不忍心只惡搞老公，最後送上真正早準備好的生日蛋糕，為Paul送上生日歌及香吻。
事後問到Paul被整的感受時，他笑說：「其實老婆畀咩我都要食㗎啦，但食完兩個蛋糕後，我真係覺得有Wasabi嗰個好味啲，有食緊魚生嘅感覺，芒果就好似吞拿魚嘅口感。」不過今次朱茵炮製的加料蛋糕，令Paul憶起不少老婆的地獄料理：「最恐怖係佢認真下廚嘅時候，仲大鑊過有心整蠱！我記得有次佢用微波爐蒸魚，條魚用保鮮紙包實，叮完出嚟成條魚掹到實一實，仲要唔係好熟咁，總之見到都驚。」朱茵立即為自己平反，笑言：「我記得嗰時係識咗冇幾耐，呢個係畀佢嘅測試嚟，我要睇佢咩反應，哈哈。」
提到以往的生日驚喜，Paul表示最難忘是朱茵瞞住他相約了一班兄弟好友，為他舉辦驚喜派對。而數到最浪漫一次，他說：「我記得有次我哋喺海灘交換禮物，懶係浪漫咁，雖然係好老土，但往往最開心就係呢啲老土嘢。」