●「二仔」發帖指「Holly Brown」無理解僱。 連登截圖國泰航空去年大裁員5千多人，黃店「Holly Brown」當時聘請多名國泰前員工，並以「Cabin Crew Coffee」（空服員咖啡）招徠，被黃媒報道為「良心老闆」，吸引唔少黃絲幫襯。不過，有「Holly Brown」前員工日前喺連登發帖話：「幫到你盡，依（??）家我哋得到既（嘅）係另一份冷冰冰既（嘅）解僱信。」踢爆「Holly Brown」食完人血饅頭就用完即棄。唔少網民知道老闆咁無良，都話唔會幫襯，要將惡行廣傳。
自稱係國泰前員工嘅「二仔」日前喺連登以「『苦主大聯盟』Holly Brown既（嘅）苦主全部同我入嚟」為題發帖話：「估唔到10月被國泰解僱之後，但今日我又比（俾）一間叫『Holly Brown』既（嘅）餐廳無理解僱。憑着『Cabin crew coffee』既（嘅）旗號係（喺）《鏗鏘集》、《蘋果》、《100毛》賣左（咗）唔少廣告既（嘅）Holly Brown經已成長左（咗）兩三倍既（嘅）營業額......今日我係（喺）無任何原因下被人炒左（咗），問原因都仲要答覆賠足錢就唔使解釋......依（??）家我真心覺得佢依（??）個饅頭食得好飽......係咁推我哋去宣傳，甚至接咗啲宣傳都係無問過我地（哋）就叫我地（哋）去......依（??）家比（俾）佢用×完喇！當我地（哋）condom，我見佢係indeed（求職網）由廚到咖啡師到侍應都出左（咗）post！條×街睇怕依（??）家都會請過一班人取代我地（哋）。」
想同舊同事道別 老闆稱報警拉人
對於「二仔」嘅遭遇，有網民就覺得無理解僱好平常。「保羅戴bra喇」就問佢：「其實你係咪未俾人炒過......炒左（咗）要即走，其實都好普遍。」「二仔」就解釋：「咁我被人炒左（咗）之後係（喺）餐廳入面買埋杯咖啡同班舊同事吹水farewell（道別），佢話要報警拉我，係咪都正常......你話我大炒（吵）大鬧，整爛野（嘢）就話姐（啫）！依（??）家我比（畀）埋錢寫埋張出殯紙仔坐低飲杯咖啡，同幾個同事傾計（偈）交代翻（返）身後事都唔得？仲要我根本就唔知邊度得罪佢。」
有網民就話要將惡行廣傳。「微星巨超人」話：「咁××街！幫推，推到呢啲人見報。」也都有人話唔會再幫襯。「口花花」話：「嘩！仲衰過龍門。」「Iwillmoveon」就話：「等我仲特登去幫襯，支持下crew，原來個老闆咁無良。」「咁易比你估到咩」就慶幸：「好彩無食過。」 ●香港文匯報記者 黃書蘭