【資料速遞】虹鴻站在勝利邊緣

2021-04-30

今次皇太后盃賽馬日，季尾好戲接連上演，在冠軍賽馬日，方嘉柏上半場以「勝賢」及「心中有馬」起個孖，之後勁敵蔡約翰「喜駿駒」及「速遞奇兵」追番兩場，但無損方仔心情，事關當日係佢大仔牛一，成家在場贏馬慶祝，你話有乜開心過咁？相比之下，賀賢就肯定冇癮，畢竟「勝賢」及「心中有馬」原本都屬旗下，後駒更殺番佢隻「馬爾代夫」，今次賀賢六路興兵，驟看都有邊線機會，其中「虹鴻」馬主洪建南對上一匹「英姿茂盛」同賀賢合作並贏過兩次，上季落地嘅新寵「虹鴻」繼續支持佢，近兩場都跑入Q，今次應該輪到。