●衛詩接受主播許文軒訪問。香港文匯報訊（記者 文芬）日前衛詩（Jill）作客TVB娛樂新聞台節目《StarTalk》，接受主播許文軒（Edmond）專訪，大談推出歌曲《面對後悔的各種方法》感受。Jill說：「上年我有位好朋友，因為患上癌症去咗墨西哥醫病，有一日佢早上6點打電話畀我，但我太攰沒接聽。之前收到消息佢離開咗，我好後悔冇聽到佢嘅電話，就係因為呢件事觸發咗自己想講今次嘅歌曲主題。我希望借歌曲帶出正能量，叫大家要向前看，提醒自己下次做好啲。」
談到Jill工作上的後悔事時，她說：「有時唱Live覺得自己唱得唔好，後悔甩歌詞同唔夠氣唱，又或者訪問時唔知自己講咗啲咩嘢就最驚！因為自己中文唔好，講嘢嘅時候會好緊張，所以每次都要好Focus自己講乜嘢先得！」Jill直言後悔兒時沒有好好跟爸爸學習結他，她說：「爸爸係一位結他手，但我哋以前關係唔好，好少見面，𠵱家發現年紀大彈結他好困難，通常細個學嘢都會容易啲、入腦啲，𠵱家多咗時間同爹哋見面，希望可以追返以前嘅時間。」