●陳智燊香港文匯報訊（記者 梁靜儀）陳智燊（Jason）昨日到尖沙咀出席手錶品牌活動，並獲大會送贈全新PRX腕錶。受疫情影響，Jason表示已有一段長時間沒有出席商演活動，加上去年太太宋熙年佗住細仔，他們都很少出街，故昨日獲邀請出席活動感到好開心。問到酬勞，他笑說：「OK啦，錢唔係最重要，自己又鍾意錶。」
離開無綫後發展轉型做KOL的Jason，指近日疫情緩和， 不單很多客戶都大膽落實活動舉行時間，自己都拍多了片，上星期他便借了一部超跑拍片，之後會放上網。他指個人現時輕鬆了，沒之前般擔心，問到是否因收入好轉才可以放鬆？他否認說：「同收入冇乜關係，其實唔只我，成個經濟都要一齊行。」
他又透露近日分別與無綫、香港開電視及ViuTV洽談拍攝劇集及綜藝節目，但仍未落實，要視乎時間而定。問到他可會一家四口一齊演出？Jason說不會了：「就算阿仔肯戴口罩都麻煩，自己都想拍新節目，我睇好多網上片，好開心見到有班後生仔拍好多唔同題材同搞笑嘅片，當中有啲可以學習一吓，（唔怕被人指抄襲？）唔係抄襲，會請教一吓，如果有啲啱用嘅可借助某啲題材，當然唔可以抄足，好開心有一班年輕人推動緊個娛樂圈。」說到曾志偉回巢無綫會否好多了？他坦白說：「我覺得要有新衝擊，之前嘅一套要換一換，因為有啲節目已經運作咗好耐，有志偉同祖藍推動吓係好啲，大家有多啲嘢睇。」