●白只自從拍戲後，被定型為好陰沉。香港文匯報訊 近期香港疫情轉趨穩定，多個大型表演節目陸續出台，舞台劇《久天長地》亦決定9月於演藝學院舉行。白只近期不停演出舞台劇，笑言自己不是「轉行」：「咁我都係舞台度出嚟嘅，只係中間走過去做音樂，得閒又去吓做電影，呢個時勢有劇搵我，梗係返番嚟屋企啦。其實𠵱家我都做緊幾個騷，噚晚我排劇排到半夜，之後趕嚟呢度影相，影完就要即刻去排戲喇。其實我舞台劇度一直都係做喜劇，但係自從拍咗電影，俾人定型咗我係好陰沉嘅，連今次舞台劇都要做慘情戲，不過叫做有得做正經戲，一償心願啦！」
女主角楊淇就率先劇透，自爆角色要死足幾次夠晒淒美：「因為故事都有穿越成分，所以都預咗要死足幾次，其實今次個劇本都『慘慘哋』，不停要我哋勾番起痛嘅感覺，我都擔心排戲會喊到收唔到聲，加上做舞台劇係現場對住觀眾，如果要心痛到流眼淚，咁就真係演技大考驗。」