第七場､第三班､一二○○米。「日日靚」上季曾在莫雷拉胯下贏出谷草一哩，可是今季卻集中部署跑短途，演出較前穩定得多，於二月尾爭四班谷草千二，在雷神胯下負重磅取勝，今次練者再揀三班千二重戴眼罩列陣，又搵啱啱打破頭馬荒嘅綸仔出戰，小心冷門以下犯上。
第八場､第三班､一二○○米。「壽臣」上季在摩廄表現出色獲三捷，今季轉投苗廄後一樣交足功課，每次有墊底飛出擊都飛到馬到，四次八倍以下全取獎金，今戰配梁家俊火燒唔會熱，排十二檔起步早段唔使搶，假如場地利後追，隨時又爆一劑。
第九場､第三班､一六五○米。「童話」七歲仔一向最擅跑谷草中距離，剛戰加至七十二分爭此程，全程走勢良好，末段影相下只負兩位半得第四，但本身勁勢維持過終點，今次繼續沿用田泰安披甲，即使跟近況大勇「勝賢」同場，還有其他曾勝該路程對手，但牠們大都負磅較重，因此本身只要把握場地形勢，是有足夠條件衝擊季內第三W。