第五場、第四班、一二○○米。馬主陳國民身形高大且黑黑實實，每次行出沙圈睇馬，一眼便能認出，故此友儕間稱他為大嚿，難得馬主不嫌大嚿名稱市井樂得接受。陳國民八十年代初創立電器品牌，初期與歐洲供應商合作銷售電熱水爐，短短數年時間將質量做好，建立電器零售人際和網絡，也賺得顧客口碑，之後北上自設家庭電器用品生產線，生意越做越大。佢名下「大家開心」之前一再走勢虎頭蛇尾，末段衝刺時貫注力不足，上次加配眼罩令馬匹集中競跑立即跑第三，試準加程屆出頭時。
第八場、第三班、一二○○米。相信唔少香港人有咩頭暈身㷫，一定識用老字號嘅藥油，搽一搽，索一索，精神爽利，這著名的藥油已有超過九十年歷史，行銷香港、中國大陸、東南亞及主要的西方國家。呢間公司主席顏為善喺疫情期間做咗唔少善事，捐贈物資到慈善機構抗疫，其實顏生亦係馬主，早年曾養過三駒，「精神爽利」同「日日歡顏」各贏過一場，如今相隔十六年後，顏生今季再重投馬圈養有「顏色大師」。「顏色大師」初出田草千二跑第八，再出加羊毛面箍跑第四，現轉來谷草對手減弱，係時候俾啲顏色大家睇。