第一場、第五班、一○○○米。「電訊」系張氏四兄弟養馬多年，包括張敬石、張敬山、張敬川和張敬峰，前前後後都養過三、四十駒。佢哋間電訊公司剛慶祝上市七周年，如果喺咁有紀念價值嘅日子贏馬，當然喜上加喜，今次「電訊飛彈」係張氏第二代，由葉廄轉方廄初出即強配莫雷拉，上周三雷神策同一家族的「電訊巴打」贏馬，今次有力接棒再贏。
第四場、第四班、一六五○米。「真感」來港前於外地曾經參加四次試閘，去年六月及七月分別試九百米和一千米，都以勁勢後上勝出，跑順後增速力強，內在鬥心頑強，長線估計質素更勝同主馬「勝感」，肯定具有第三班潛質；在港初出跑谷草短途千二米，末段狂追跑獲季軍，之後前仗初跑千四米，又一次從後撲上得第三；上場轉用放頭跑法得第五名；今次有兩場千二米唔跑，增程跑一哩用意向善，前主席馬有力贏馬開齋。
第五場、第四班、一二○○米。「騰龍超影」雖然已經年屆九歲之齡，不過季內跑同程獲一冠三亞四季軍，更曾在三班賽事中四度上名，表現的確老而彌堅，蘇保羅保養功夫亦值得一讚。上場配黎海榮操刀角逐三班沙田千二米，成為六十五倍冷門落敗，部署減分求降班，結果亦所負不遠。今場重返四班作賽，同場中有七匹未贏過的處女馬，欣逢弱組，能穩位望贏。