● 龔柯允早前上「勁歌金曲」節目，表現獲讚賞。香港文匯報訊（記者 文芬）龔柯允（Karen）轉投新公司後，受到《天盟娛樂》老闆培哥器重，近日更為她請來星級歌唱老師Christine Samson教她聲樂，以及化妝老師教化妝。
Karen星途都算崎嶇不平，上年參加了真人秀節目時更被批評音樂潛能已見底，但唱片公司老闆覺得Karen唱功仲未見底，還有未被發掘的潛能，完成比賽後旋即商討簽約成為旗下歌手。她受訪時表示 ：「其實參加真人秀節目嘅時候，可以算係自己最迷茫嘅階段，當時，希望可以透過節目令自己再進步。當然喺節目入面我得着好多，但喺歌唱事業方面我就好似一直塞住咗喺樽頸位，好難再有新突破。當時真係有啲唔開心，始終我最鍾意都係唱歌，我唔想放棄。真係好幸運得到老闆賞識，仲安排我上星級音樂導師Christine Samson老師嘅堂，老師除咗調教我嘅唱腔之外，亦教我點樣先去了解自己，再將自己同音樂去結合，搵一個最適合自己嘅唱腔。」
Karen早前就同谷婭溦上「勁歌金曲」節目，節目出街後Karen的表現大獲好評，於Solo新歌《一轉眼》更是首位得到爆Like支持。其後Karen更獲老師稱讚 ：「好開心得到老師稱讚，老師講可能我之前太被自己框住咗，所以就好似已經見底咁，但其實只係未搵到一個突破點，好開心遇到老師，佢幫我可以突破到呢個框框，亦要好感激老闆培哥畀咗呢個機會我，希望我日後可以再畀到更多唔同嘅自己予大家見到。」