●胡鴻鈞與陳嘉慧合作。香港文匯報訊（記者 梁靜儀）胡鴻鈞（Hubert）與陳嘉慧（Erica）近日忙於為愛情喜劇《愛上我的衰神》拍攝，劇中二人會有感情戲，日前二人去到一間學校拍攝，不單有情侶親密互動戲份，Erica更會獻出熒幕初吻給Hubert。
拍攝當日適逢是Erica的25歲生日，劇組為她準備生日驚喜，並由Hubert親手送上蛋糕給壽星女。Erica接受娛樂新聞台訪問時，被問到生日於工作中度過的感覺，她笑言「好正」，至於生日願望是「開工」。二人首次合作，不單合作愉快，Hubert更讚Erica：「佢係一個好勤力嘅女仔，唔似係一個資歷好淺嘅演員，可能佢做咗好多功課，希望劇集出街時，大家都見到我哋嘅火花。」
胡鴻鈞要求保持距離？
二人當日於校園除了有些情侶互動戲份外，Erica更獻出熒幕初吻給Hubert，拍攝亦相當順利，但Hubert卻要跟Erica保持距離，他說：「今次最大挑戰係我個角色性格比較憂鬱，所以長期處於低情緒，而Erica係一個好識搞氣氛嘅人，為咗培養情緒，我拍攝前都要同佢保持距離。」
這次重返校園取景，勾起了二人不少回憶，讀女校的Erica笑說：「好難得可以同男仔喺學校拍談情說愛戲，係我夢寐以求嘅，今次實現到喇。」而讀男校的Hubert就想起以前無牽無掛的日子，經過籃球場就想起以前跟同學打波的青葱畫面。