 放大圖片
■鄭伊健到理工大學出席「智齡社會大學畢業典禮」。
【本報訊】鄭伊健昨日到理工大學出席「智齡社會大學畢業典禮」，身為「鄰舍大使」的伊健與一班學生載歌載舞，現場氣氛熱烈。
伊健透露已是第5年參加該活動，過往亦曾聯同一班學生參與龍舟比賽，更是擔任鼓手，問到會否正式落場比賽，他說：「今年都可能會試下扒龍舟。」伊健之前和一班學生教導老年人使用電腦，認真有意義。問到會否預女友蒙嘉慧一起扒龍舟？伊健笑言：「等佢懂得游水再說。（你教佢？）要搵導師教，其實我都學緊唱歌，現在任何事就算識都要進步，要不斷去追。」至於何時出唱片，他認為要趁現在有時間先去學習，其他容後再談。至於會否找女友一起參與慈善活動，伊健直言女友近日已遠赴柬埔寨拍攝特輯。
他說：「大家都是做慈善活動，只是方向、出發點不同。（會否擔心女友安全？）現在哪個地方都是一樣，我覺得無所謂！」
提到曾與他合作《蠱惑仔》系列的阿叔林尚義辭世，伊健說：「我都有留意呢件事，佢走咗係唔開心的事，以前我地合作過《蠱惑仔》，佢搞笑都是因為應導演要求，其實大家都好尊重佢。」
|
放大圖片
