 放大圖片
■身在是非圈，方力申強調自己「做細」，唔知咁多事。
【本報訊】（記者 李思穎）傳聞不續約「金牌大風」的古巨基搞到滿城風雨，即時引來鄭中基和剛調任「金牌大風」出任香港區行政總裁的陳輝虹不滿，掀起一場罵戰，同屬「金牌」旗下的方力申表示不清楚事情的始未，更多番強調自己「做細」，對很多事都不知道，又否認是「金牌一哥」。
方力申昨日出席Bauhaus概念店開幕嘉賓，被問到基仔續約事件搞出不少風波，鄭中基不甘被屈做CEO。
「金牌一哥」當唔起
方力申即說：「我地做細對所有事都不清楚，今次黃柏高管理電影業務令外間有好多報道，個人認為黃柏高在電影上做出了好成績，今次工作上分配唔代表佢無以前咁大power。其實黃柏高在人事調動後有致電給我，說出公司的方向，但我遇上音樂和經理人上問題依然可以找他。鄭中基都講咗不會有好大變化，公司所有藝人都是黃柏高簽回來，有事都會同佢研究。（基仔續約引起好多風波？）基仔是好有份量的藝人，所以續約成為全城熱話，基仔和金牌咁多年，關係都好好。（有傳他一千五百萬續約三年？）沒看過報道，自己覺得佢唔止這個數。（陳輝虹指基仔撐黃柏高的話，應該留下來幫他拍電影。）太複雜，唔識答，我好細唔知道。」
記者笑說廣告商以「金牌一哥」來形容他，何來屬「細」？方力申立刻解釋：「有少許出錯，本來是寫我人氣偶像，今日應該更正，這是褒獎說話，我擔當唔起。（好敏感？）唔係，只係我擔當唔起。（會撐邊個？）我呢的做細，真係唔知咁多嘢。（鄭中基好少對事件公開澄清？）今晚錄影《美女廚房》，我問一問佢先。」
不介意與阿嬌合作
方力申昨日出席的品牌正是其前緋聞女友鍾欣桐（阿嬌）擔任代言人，方力申自言：「我無咁高級，只是做嘉賓不是代言人。（你撐阿嬌？）是撐自己荷包。（兩人很有緣？）你覺得有就有，就算一齊工作都沒所謂，最好叫我做代言人，可以幫公司和我賺錢。（不介意同前女友合作？）千祈唔好咁講！我係話唔介意合作。」
|
放大圖片
