|
李自明
「癲狗幫」社會民主連線的「大口舊」陳偉業，近日被手下爆出處理籌款涉及失當行為的醜聞。令人嘆為觀止的是，「癲狗幫」幫主「狂郁人」黃毓民出事當日幾個小時內，已經宣稱「調查完畢」，「證實係誤會一場」，其效率「真係打針都冇咁快」。有政壇中人向自明說：「如果換轉係政府爆單咁嘅嘢，就算冇真憑實據，反對派一定會拉特首出嚟公審啦，但件事發生効自己身上竟然咁兒戲，大家就知道反對派効呢搵事件上嘅雙重標隼，係幾咁嚴重啦！」
反對派喜「有理冇理」公審官員
政壇中人向自明說，市民對公眾人物的誠信期望猶如女士愛不釋手的美白霜一樣，「要有咁白得咁白」，這也是人之常情。但反對派就借這種群眾心理去扮「獵巫人」，每逢傳出一些關於政府的流言，就「有理冇理」要公審一番，由民政事務局局長曾德成的「河蟹事件」，到最近特首的「慳電膽」和「弟婦雷曼有得賠」風波，即使穿鑿附會，他們仍聞腥即至，死咬不放。
似足宗教法庭 肆意抹黑「罵殺」
他嘆言：「呢種政治文化，本質上似足中世紀歐洲黑暗時代的宗教法庭一樣。雖然佢哋冇權真係燒死人，但就可以肆意抹黑對方，搞到人哋同埋屋企人成世有污點，水洗唔清。」不過，遇着「白鴿黨」民主黨爆出「豆皮甘」甘乃威涉嫌因求愛不遂怒炒女助理的「桃色門」事件，和癲狗幫爆出大口舊涉嫌處理籌款款項的醜聞，反對派就雙重標準，十足賭聖金句：「你睇我唔到，你睇我唔到」。
籌錢涉過水濕腳 有可疑應查
政壇中人說：「既然你話有可疑就應該查，咁『盲煮阿婆』前政務司司長陳方安生嘅十成按揭事件，白鴿黨『糊塗申』涂謹申涉嫌用公帑幫個黨買家產嘅匯標事件，以至癲狗幫被指免費租用江湖中人物業涉嫌收受黑幫利益，以至今次大o舊畀人話有將籌返嚟嘅錢過水濕腳嘅事件都應該查啦，點解又會大事化小，小事化無呢？大佬，你哋自稱係代表貧苦大眾嘅政黨，咁市民捐咗錢畀你，本來諗住你哋幫佢做嘢，而唔係袋落自己袋𡦃嘛，剗家連你嘅自己人都有懷疑，要發聯署聲明表達不滿喎，咁你癲狗幫點都要公開交代啩！」
「自己查自己」 企圖側側膊
他認為最荒謬的，是反對派就算迫於壓力要查，都是「自己查自己」，「我睇死佢最後都係話查無實據，放生自己友o架啦」，但像癲狗幫「查得咁肉酸」，也實在匪夷所思：「好似做《狂野極速》咁，自己一日之內幾個鐘頭就話查完，然後就話絕對冇咁嘅嘅事，你估剗家做緊《24》定係《心中有鬼》呀！如果政府查嘢咁兒戲，你睇班癲狗點吠𡦃，嘈到拆天都似；自己友嘛，咁咪側側膊，唔多覺囉！」
迎合獵巫行動 公帑損失千萬計
「調查，調查，多少『政治抽水』假汝之名而行！」政壇中人慨嘆，從反對派的雙重標準，就知道所謂「調查真相」，只不過是他們私利之所繫，可憐最終「買單」的，還是全香港的市民：「有冇證據都好，反對派鍾意查就查餐飽，根本就唔care耗用嘅係公帑。仲有，要特首以至各級高官同埋其他議員放低手上做緊嘅正經嘢，去迎合你哋呢個獵巫行動，會令公帑損失幾多呀，起碼以千萬計啦！同埋大家將注意力集中効呢搵子虛烏有嘅事上面，係就係好juicy，但香港要點樣加強競爭力，先至唔會好似威尼斯咁効世界經濟舞台上『陸沉』，就埋沒効呢搵無謂嘅內耗之中！咁搞法，受益者係邊個呢？而受害者係邊個，真係應該好好諗下嘞！」
|
