|
李自明
一位政壇老友的兒子對政治興趣濃厚，又一直想當記者，所以希望略知傳媒界一二的自明當個「指路明燈」。小友到訪，自明首先提醒：如果你日後任職的機構並非親反對派傳媒，採訪時就要做好準備，尤其是採訪立法會更應身攜「四寶」：防鯊籠、播音機、面罩和攝錄機，否則遇着類似「癲狗幫」社會民主連線「長毛」梁國雄一類「打着自由反自由」的議員，那就大大吃虧了。
自明向小友解釋道：「如果你做親反對派嘅傳媒，自然唔使驚，因為即使你日日批評建制派班議員，班建制派議員會唔會鬧你係狗，話禁止你採訪佢哋嘅記者會𡦃？梗係唔會啦！但你又試吓批評啲反對派議員𡦃，好似長毛咁當眾鬧你係狗都仲可以聲大夾惡，話你『挑釁』在先，立法會又冇規例阻到佢『見一鑊鬧一鑊』，咁你話，你日日要去立法會嘅心理威脅有幾大？你又有冇可能正常採訪𡦃？你到時點撐得住呀！」
防鯊籠可保肉體無損
小友聽罷，仍無意改投親反對派傳媒，自明只得勸告小友要做好心理準備，並戲言每次採訪最好攜帶「四寶」入立會，減低可能受到的「攻擊」威脅：「𦬓，長毛昂藏六尺，對住個矮佢半個頭嘅女記者都可以効立法會眾目睽睽之下指住嚟鬧係『狗』，你係男仔，就更要防對方隨時一拳打埋嚟，就算事後報警，一來你分分鐘已經崩咗個鼻甩咗棚牙，點賠都賠唔返；二來你冇權冇勢，佢就有大把做大狀嘅朋友，分分鐘反咬你用塊面去撞佢個拳頭，自己撞甩棚牙去冤枉佢，兼夾屈你整親佢隻手指尾，要你賠湯藥費呀！」所以，自明勸小友，應當仿效國家地理頻道紀錄片中的潛水員，在探索滿布鯊魚的海域時，應當置身防鯊籠中，「咁對方要咬你都咬唔到啦！」
播音機面罩免被屈挑釁
保得身體無恙，難防言語羞辱。就好似《文匯報》記者提問時未能向長毛完整說出「就貴黨4名行政委員會辭職，並在聯合聲明中質疑貴黨立法會議員陳偉業在處理貴黨籌款事項上被指在處理貴黨慈善晚宴善款時擅自扣除成本一事，貴黨是否會繼續採取跟進行動」這一大串話來，就被說成是「挑釁」，被罵為「狗」。所以，自明勸小友必須帶備播音機，將提問詳盡錄下，訪問長毛時就播放；同時，面罩也是必備之物，以免遇上無理取鬧之人，「話你播帶時『雙目帶笑』，係輕挑，或者嘴角稍稍上揚，就係挑釁。戴住面罩，就令對方少咗啲鬧你嘅藉口啦！」
攝錄機拍下過程無得賴
不過，小友擔心道：「如果佢話我企嘅姿勢唔得端正，已經係挑釁呢，咁我又點算？」此時，最後一寶攝錄機就派上用場：「你要効訪問之前打開攝錄機，將成個過程影低，咁就無得賴啦，最好有埋證人就最好！」
小友嘆道：「如果對方真係咁喪，而在場嘅行家通常都係記者仔，就算見你俾人鬧，都未必敢做證人啦！就算錄低，對方都可以話『阿Sir，我講嘢大聲唔代表我冇禮貌』，咁我咪只有硬食？」自明苦笑說：「到時你就只有搵法律顧問囉，最好就即時call効立法會�蔓Z公文袋（公民黨）大狀，或者白鴿黨（民主黨）班律師，起碼有個專業證人𡦃！不過，就千祈唔好call馬骨吳（吳靄儀），佢嘅觀點咁『獨特』，話唔定幫對方口鬧埋你一份o添！切記切記。」
|
