 放大圖片
■丁冠德表示開連鎖店，首間分店位置十分重要。 本報記者趙建強 攝
——明年擬再開5分店 下一步進軍深穗
本報記者 趙建強
香港貴為美食之都，世界各國的美食都可以在香港找到，其中越南餐館雖然在短短十年間，由十數間，增至300間，但大部分質素參差，「正宗」口味不多。擁有逾30年餐館經營、管理經驗的丁冠德，睇準機會，親身到越南尋找有規模的越南湯粉(Pho)專門店，與PHO24簽下特許經營權，將「Pho」帶來香港。
「香港越南粉唔夠正宗，之前聽朋友講PHO24唔錯，所以親自去試過，覺得OK，前後用咗一年時間，同佢哋傾成咗香港及大中華區特許經營權。」香港PHO24行政總裁丁冠德表示，其實在越南找過很多間餐館，但不是沒有分店，就是菜牌太單調，「PHO24除咗有各類型湯粉，仲有小食、飲品，而且有特許經營經驗，除咗越南60間店外，在英國、澳洲、日本、菲律賓、印尼、柬埔寨等地，共有12間分店，所以決定同佢哋合作。」
揀旺區開業 助打響名堂
為了將餐館開遍香港及進軍內地，丁冠德在選擇開業地點上亦「諗過度過」，「沙田人流量好勁，而且有好多深圳、廣州客，如果可以成功打響名堂，下一步進軍深圳、廣州時，凈係靠口碑都可以搶到好多客源，廣告都可以慳唔少。」因此，正在籌劃中的第二間分店，將於尖沙咀iSquare開業，除了搶攻本港客源外，亦可以收到對內地客的宣傳之效。「開連鎖店，首間分店位置好緊要，如果一開始係旺區開，以後開偏僻地方都無問題，如果第一間開係上水、粉嶺，以後就好難做。」
丁冠德目標，明年可以再增添五間分店，位置包括中環、銅鑼灣、灣仔，未來視乎情況，進一步擴展至旺角、甚至荃灣、青衣等住宅區，「希望十年香港可以開到30間分店，而明年下半年，就會去深圳、廣州開店，未來會再進軍北京、上海等地。」
請明星剪綵 大搞網上宣傳
如此高速擴張，廣告宣傳費用會否很高？「我地開業當日，請咗明星(鄭嘉穎、佘詩曼)來剪綵，未來會盡量係網上做宣傳，仲有郵件、SMS，同埋會開官方網頁，使費唔會太高。」搞了高級餐廳多年的丁冠德，做推廣應該很有經驗？「你錯啦，以前其實唔使點做廣告。應該話，高級餐廳唔可以做廣告。好嘢使乜宣傳？其實黎黎去去都係專攻�蓬X個%市場，你打廣告，反而證明你唔得。PHO24係行大眾化路線，就一定要做廣告。」
|
放大圖片
