|
李自明
香港政制發展的討論，似乎陷入了一場悶局：公文袋與癲狗幫苟合齊齊劈炮，但社會主流民意對這場鬧劇越來越反感，終令公文袋悔不當初，卻又難以回頭，近期只得編織各種借口，意圖弄一個漂漂亮亮的下台階；由白鴿黨主導的「終極普選聯盟」，一開始就擺出一副「理性、溫和」的姿態，四處推銷其政改方案建議，同樣未能贏得社會普遍的支持。政壇老友嘆道，在政改問題上，終選聯不如癲民黨莽撞，但兩者卻都離他們預期的目標甚遠，歸根究底，問題的癥結不在於手法的不同，而在於他們沒有尊重香港的主流民意，以及沒有遵守全國人大常委會就香港政制發展所定下的框架。
政壇老友坦言，癲民黨眼見「5區補選」日近，但香港市民對他們的支持不單沒有增加，反而江河日下，於是近期開始不斷放風，尤其是公文袋，其黨魁阿豬余和袋巾梁就在不同場合，說是次補選的結果，就是終選聯的談判籌碼，一來是希望催谷選票，二來也希望終選聯一旦「有成績」，他們也可以居功，「唔使咁難睇」。
他解釋說：「其實大家都有眼睇，公文袋不惜破壞自己嘅藍血人形象，走去同成班爛仔格嘅癲狗幫搞埋一齊，就係為咗攞着數，但諗唔到未見其利，先受其害，唔單止支持者不斷流失，就連內部都暗湧處處，大口湯已經第一個走出嚟反對所謂嘅『公投』，就連黨主席關信基都玩埋一份，公開同袋巾梁唱反調，話叫啲選民唔滿意呢場鬧劇可以出嚟投白票，而除咗辭職嘅袋巾梁同戲子陳之外，好多公文袋嘅成員對所謂『公投』嘅宣傳活動都一律袖手旁觀，你就知佢哋幾唔掂啦！」
兩派缺乏支持 同欲體面落台
因此，公文袋才會提出所謂「籌碼論」。其實，正如政壇老友所言：「公文袋根本完全估計唔到未來嘅形勢發展，而照咁發展落去，所謂『公投』失敗嘅可能性好大，如果終選聯可以爭取到一啲成果，佢哋就真係失威夾冇面嘞，所以一於黐埋去，如果終選聯衰咗，大家就一齊衰；如果一個唔好彩終選聯得咗，公文袋就可以話係自己搞嘅『公投』畀到壓力特區政府甚至阿爺，所以終選聯先會有成績，到時公文袋甚至癲狗幫都可以認屎認屁啦！」
不過，終選聯原來亦「唔好得去邊」，在約見特區政府與立法會多個建制派代表後，他們所推銷的建議方案似乎得不到支持，令他們非常心急，不斷調整溝通的條件。其中公文袋的大口湯就說，只要阿爺願意承諾在2016年取消分組點票，及增加立法會直選議席至全體議席的三分之二，就願意考慮接受任何2012年方案安排：「咁樣睇嚟，就知道終選聯已經好心急，希望快啲可以攞彩！」
不過，老友坦言，無論終選聯有多心急，甚至像白鴿黨主席鐵頭仁公開聲稱的，「後悔」白鴿黨沒有參與癲民黨策動的所謂「公投」，甚至高調聲稱要借出該黨的街板呼籲市民在是次所謂「公投」中投票，意圖「恐嚇」，卻仍然未有成果。問題的關鍵，不在於終選聯用錯手法，而是他們提出的建議，超出了香港的憲制框架，尤其是提出將2012年以後的選舉方式，與2012年的方案綑綁。
只稱自己讓步 未知建言違憲
他說：「効任何政策上，你哋都唔想特區政府甚至阿爺無視香港嘅憲制安排，話點就點o架，何況係政制發展咁大件事！但剗家你哋提出一個違反憲制嘅政改方案建議，如果特區政府甚至阿爺照做，咪等於要佢哋違法辦事囉，咁點可能呢！所以，問題唔在於你哋個方案修改過幾多次，放棄咗幾多原先嘅要求，而係你哋嘅最終要求，符唔符合香港嘅憲制規定，係咪真係希望香港政制可以向前走，所以，我希望大家借今次復活節假期，好好諗吓呢一個問題啦！」
|
