 放大圖片
文、圖：芭芭拉（簡介：傳媒人，做明星食書，愛美食，煮得一手好菜。網誌：http://hk.myblog.yahoo.com/barbara_tse)
提起6月，定會聯想到世界盃，這四年一度的盛事，我又豈會錯過呢！我跟大家一樣，每晚都在家睇直播，不想錯過任何一場賽事，免得跟朋友沒話題。雖然不想出街，但原來6月有好多朋友生日，之前竟然完全沒有察覺到，真是大頭蝦！
既要睇波，又要為朋友慶祝生日，的確有點分身不下，雖然卡拉OK或酒吧也有直播球賽，收費卻稍為昂貴，雖說四年才一次，始終覺得有點不值，經與一班6月生日之星商討後，大家情願晚飯吃豪氣些，然後各自回家睇波，畢竟世界盃期間在酒吧喝一支細的啤酒也要五六十元，是平常的雙倍，不如將錢吃到肚裡比較實際。無疑一班人一起睇波比較熱鬧，但可留待八強才聚在一起看，比較好玩。
雖然只是一起吃晚飯慶祝，然後各自回家睇波，但有一點是不會變的，便是我會親手做生日蛋糕送給生日之星，但因為晚飯後沒有下場，而晚飯大家又決定食得豪氣些，因此，今年的生日蛋糕比較特別，就是可以讓各生日之星各自帶回家。經投票後，竟然各生日之星均希望吃芝士蛋糕。既然是生日蛋糕，當然要特別些，所以今次選擇以朱古力來做topping，大家不要一聽見朱古力便覺得甜，我選用了黑朱古力，因此絕對不會太甜，跟芝士的味道非常相配！
材料：
忌廉芝士 500g
蛋 3隻
牛油 100g
糖 120g
圍邊：
軟牛油 少許
杏仁碎 少許
裝飾：
黑朱古力 75g
牛油 75g
糖 45g
蛋 1隻
雲呢拿香油 1茶匙
麵粉 40g
做法：
1. 於蛋糕模邊掃上牛油及杏仁碎，備用；將裝飾材料隔水座溶，攪拌至幼滑，備用；
2. 芝士用電動打蛋器打軟後加入糖繼續打滑，慢慢加入雞蛋，打勻至全部的材料看起來幼細，拌入牛油攪勻；將所有材料倒入蛋糕模內，以200C焗20分鐘，取出待涼；
3. 於蛋糕面掃上朱古力溶液作裝飾，回焗爐再焗5分鐘，即成。
|
放大圖片
